पत्रकार संघटनेचे जिल्हाधिकारी आयुष प्रसाद यांना निवेदन
जळगाव (प्रतिनिधी) :- पत्रकार विक्रम कापडणे यांना महानगरपालिकेत बातमी कव्हर करण्यासाठी गेले असता सहाय्यक आयुक्त गणेश चाटे यांनी त्यांचा कॅमेरा हिसकावून घेतला व त्यातील मेमरी कार्ड काढून टाकले तसेच त्यांच्यावर दमदाटी केल्याप्रकरणी जळगाव शहर पोलीस स्टेशनमध्ये सहाय्यक आयुक्त गणेश चाटे यांच्यावर गुन्हा दाखल करण्यात आला होता. महाराष्ट्र राज्य मराठी पत्रकार संघटनेने याबाबत जिल्हाधिकारी आयुष प्रसाद यांना शुक्रवारी दि. १३ रोजी निवेदन दिले.
निवेदनात लोकशाहीचा आवाज दाबणाऱ्या या मुजोर अधिकाऱ्यावर कठोर कारवाईची मागणी केली आहे. या घटनेच्या विरोधात संघटनेच्या वरिष्ठ पदाधिकाऱ्यांसह जळगाव शहरातील सर्व पत्रकार एकत्र आले आणि आपल्या आवाजाला ठोस वाव देण्यासाठी एकत्रितपणे कदम उचलण्याचा निर्धार केला आहे.
