पाचोरा तालुक्यातील खडकदेवळा येथील घटना
पाचोरा (प्रतिनिधी) :- तालुक्यातील खडकदेवळा येथे विषबाधेमुळे ६ म्हशी व १ रेडा मृत्युमुखी पडल्याची घटना घडली आहे. या दुर्दैवी घटनेत गरीब शेतकऱ्याचे सुमारे ७ लाखांचे नुकसान झाल्याचा अंदाज असून नुकसान भरपाई मिळण्याची मागणी ग्रामस्थांच्या वतीने करण्यात आली आहे.
खडकदेवळा खुर्द येथील रहिवासी राजू हरचंद परदेशी यांच्या मालकीच्या ६ म्हशी व रेडा यांना ३ डिसेंबर रोजी हे त्यांच्या घराजवळ असलेल्या २०० लिटर प्लास्टिकच्या बॅरलमधून पाणी पाजले.(केसीएन) हे पाणी प्यायल्यानंतर ६ म्हशी व एक रेडा यांचा थरकाप होवून ते सर्व जमिनीवर कोसळले. तर हा प्रकार पाहून राजू परदेशी यांना काहिही कळेनासे झाले. घटनेची माहिती मिळताच पशूवैद्यकिय पथक घटनास्थळी दाखल झाले. या पथकाने घटनास्थळाचा पंचनामा करून मृत्युमुखी पडलेल्या गुरांचे जागेवरच शवविच्छेदन केले.
पशूधन विस्तार अधिकारी डॉ. सुजाता सावंत, डॉ. पंचलिंगे (बाबंरुड राणीचे), डॉ. दौंड (पिंपळगाव हरेश्वर), डॉ. बाविस्कर (पिंपळगाव हरेश्वर), डॉ. बोरसे (वरखेडी), डॉ. गिरिश माळी (गाळण), डॉ. शंकर मडावी (सातगाव डोंगरी), डॉ. हेमंत नागणे (लोहटार) यांचे पथक तत्काळ घटनास्थळी दाखल झाले. त्यांनी गुरांची पाहणी केली. या घटनेत ६ म्हशी तर एका रेड्याचा मृत्यू झाला. पथकाने मयत झालेल्या गुरांचे जागेवर शवविच्छेदन केले. तर हे नमुने तपासणीसाठी पाठवणार असल्याचे पशूधन विस्तार अधिकारी डॉ. सुजाता सावंत यांनी सांगितले.
