जळगाव शहरातील कांचन नगर येथील घटना, १८ जणांवर गुन्हे दाखल
जळगाव (प्रतिनिधी) : शहरातील कांचन नगरात डी.जे.वर गाणे लावण्यावरून दोन गटात तुफान हाणामारी झाल्याची घटना सोमवारी दि. १४ ऑक्टोबर रोजी १० वाजता घडली होती. याप्रकरणी मंगळवारी १५ ऑक्टोबर रोजी दोन्ही गटाच्या विरोधात परस्परविरोधात शनीपेठ पोलीस ठाण्यात गुन्हा दाखल करण्यात आला.
कांचन नगरातील कालंकामाता मंदीराजवळ सोमवारी १४ ऑक्टोबर रोजी रात्री १० वाजता एकाच्या वाढदिवसानिमित्त डी.जे.लावण्यात आला होता. त्यावेळी डीजे वर वाढदिवसाचे गाणे लावण्यावरून दोन गटात वाद झाला. दोन्ही गटातील संशयितांना एकमेकांना बेदम मारहाण करून दुखापत केली. याप्रकरणी परस्पर विरोधात शनीपेठ पोलीस ठाण्यात तक्रार देण्यात आले. यात पहिल्या गटातील रोहित साईनाथ कोळी (वय २० रा. कांचन नगर, जळगाव) यांनी दिलेल्या फिर्यादीवरून किरण उर्फ बिबडी देवराम सोनवणे, आकाश उर्फ डोया मुरलीधर सपकाळे, चेतन उर्फ गोविंदा परकाळे (सर्व रा. कांचन नगर) आणि यांच्यासोबत इतर अनोळखी ७ जणांविरोधात मंगळवारी दि. १५ ऑक्टोबर रोजी सायंकाळी ७ वाजता शनीपेठ पोलीस ठाण्यात गुन्हा दाखल करण्यात आला.
दुसऱ्या गटातील मुकेश देवराम सोनवणे (वय २७ रा.कांचन नगर, जळगाव) यांनी दिलेल्या फिर्यादीवरून सागर इंदल कोळी, गोपाल इंदल कोळी, चेतन विनोद कोळी, गहु गण्या उर्फ गणेश पाटील, रोहित साईनाथ कोळी सर्व रा, कांचन नगर,जळगाव यांच्यासह ३ जणांविरोधात शनीपेठ पोलीस ठाण्यात गुन्हा दाखल करण्यात आला. या दोन्ही गुन्ह्याचा तपास पोलीस नाईक किरण वानखेडे, पोहेकॉ अमोल विसपुते हे करीत आहे.
