यावल तालुक्यातील घटनेप्रकरणी तरुणावर गुन्हा दाखल
जळगाव (प्रतिनिधी) :- यावल तालुक्यातील किनगाव येथील एका विवाहितेने दोन दिवसांपूर्वी आत्महत्या केली होती. या प्रकरणी आता एका तरुणावर गुन्हा दाखल झाला आहे. माझ्याशी प्रेम संबंध ठेव अन्यथा तुझ्या पतीला, मुलांना मारून टाकीन असा जीवघेणा मानसिक छळ केल्यामुळे विवाहितेने आत्महत्या केल्याचे पतीच्या फिर्यादीमधून स्पष्ट झाले आहे. याप्रकरणी तरुणावर गुन्हा दाखल करण्यात आला आहे.
किनगाव बुद्रुक ता. यावल येथील रहिवासी नीलिमा संजय कोळी (वय २८) ही विवाहिता शनिवारी आपल्या घरी होती. मयत महिलेच्या पश्चात पती, दोन मुलं, एक मुलगी असा परिवार आहे. (केसीएन)दरम्यान, तिने आपल्या घरातील स्वयंपाक घरात दोर बांधून गळफास घेतला. हा प्रकार तिचे पती संजय भागवत कोळी यांच्या निदर्शनास येताच त्यांनी धाव घेतली आणि विळ्याने दोर कापला. दोर कापल्यानंतर महिला जमिनीवर कोसळली आणि तिच्या डोक्याला दुखापत झाली. तेव्हा तातडीने तेथून यावल ग्रामीण रुग्णालयामध्ये आणण्यात आले. रुग्णालयात वैद्यकीय अधिकारी डॉ. तुषार सोनवणे यांनी तपासणी करून महिलेला मृत घोषित केले.
याप्रकरणी नीलिमा कोळी यांचे पती संजय भागवत कोळी यांनी यावल पोलीस स्टेशनला फिर्याद दाखल केली आहे. संजय कोळी यांच्या घराजवळ संशयित रुपेश राजेंद्र धनगर याचा गुरांचा गोठा आहे. (केसीएन)त्यामुळे संजय कोळी यांच्या घराजवळ रुपेश धनगर याचा वावर होता. त्यावेळेला रुपेश हा संजय याची पत्नी नीलिमा कोळी हिच्याकडे तो वाईट नजरेने नेहमी बघत होता. याबाबत संजय कोळी यांनी रुपेश धनगर याला जाब विचारला होता. त्यावेळेला त्यांच्यात हमरातुमरी देखील झाली होती. ती ग्रामस्थांनी सोडवली होती.
दरम्यान याच गोष्टीवरून नीलिमा कोळी या घाबरलेल्या होत्या. दि. २७ सप्टेंबर रोजी जेव्हा संजय कोळी कामावरून घरी आले तेव्हा नीलिमा कोळी या घाबरलेल्या दिसल्या. संजय कोळी यांनी विश्वासात घेऊन विचारपूस केली. (केसीएन)तेव्हा रुपेश धनगर हा माझ्याकडे घरासमोर चकरा मारून वाईट नजरेने पाहत होता असे तिने सांगितले. त्यावेळेला नीलिमा हिला कुटुंबीयांनी धीर दिला. मात्र मध्यरात्री एक वाजेच्या सुमारास काहीतरी पडल्याचा आवाज झाल्यामुळे कुटुंबीय जागे झाले किचनमध्ये जाऊन पाहिले तर नीलिमा कोळी हिने गळफास घेतला होता.
त्यावेळेला पती संजय कोळी यांनी गळफासाचा दोर तोडून नीलिमा हिला गावातील एका खाजगी वाहनाने यावल रुग्णालयात दाखल केले. तिथे तिचा मृत्यू झाल्याचे डॉक्टरांनी सांगितले. यावरून रुपेश धनगर याने नीलिमा कोळी हिला तू माझ्याशी प्रेम संबंध ठेव अन्यथा तुझ्या पतीला व मुलांना ठार मारून टाकीन अशी धमकी देऊन तिच्याकडे वारंवार वाईट नजरेने पाहून मानसिक छळ केल्यामुळे तिच्या आत्महत्येस कारणीभूत ठरल्याप्रकरणी रुपेश धनगर यांच्याविरुद्ध संजय कोळी यांनी फिर्याद दिली आहे. त्यानुसार यावल पोलीस स्टेशनला गुन्हा दाखल करण्यात आला आहे.
