रावेर तालुक्यातील सावदा येथील बँकेतील घटना
रावेर (प्रतिनिधी) : सावदा शहरातील एका बैंक शाखेत कोचूर येथील शेतकऱ्याला पैसे मोजून देतो असे सांगत एका चोरट्याने १० हजार रुपये लांबविले. ही घटना शुक्रवारी घडली. चोरटा सीसीटीव्हीत कैद झाला आहे. याप्रकरणी पोलिसांनी माहिती जाणून घेतली.
कोचूर येथील शेतकरी पंढरी पाटील यांनी पंजाब नॅशनल बँकेतून दहा हजार रुपये काढले. पैसे मोजत असताना चोरट्याने पैसे मोजून देतो असे सांगत रक्कम लांबविली. चोरटे सीसीटीव्ही कॅमेऱ्यामध्ये कैद झाले असून पोलिस तपास करीत आहेत. बँकेत चोरटा सुमारे तीन तासांपासून बसून होता. गेल्या सहा महिन्यांत या बँकेत ही तिसरी घटना घडली आहे. जून महिन्यात कोचूर येथील शेतकऱ्याचे ५० हजार, एका वयोवृद्ध व्यक्तीकडून १ लाख, तर शुक्रवारी शेतकरी पंढरी पाटील यांचे दहा हजार रुपये चोरट्यांनी पसार केले आहेत. बँकेत अशा वारंवार घटना घडत असूनही कारवाई का केली जात नाही असा प्रश्न पडला आहे.
