पाचोरा (प्रतिनिधी) : येथील गो.से. हायस्कूल, पाचोरा येथे १७ वर्षाखालील मुलामुलींच्या तालुकास्तरीय शालेय बुद्धिबळ स्पर्धेला सुरुवात झाली. स्पर्धेच्या उद्घाटनप्रसंगी शालेय समितीचे चेअरमन खलील देशमुख हे अध्यक्षस्थानी होते.
माजी मुख्याध्यापक पी.एम.वाघ यांच्या हस्ते उद्घाटन करण्यात आले. याप्रसंगी शाळेचे मुख्याध्यापक एन आर ठाकरे पर्यवेक्षिका ए.आर. गोहिल, किमान कौशल्य विभाग प्रमुख एम. बी. बाविस्कर, कार्यालय अधीक्षक अजय सिनकर उपस्थित होते. कार्यक्रमाचे प्रास्ताविक मुख्याध्यापक एन आर ठाकरे यांनी केले.
पी.एम.वाघ यांनी मनोगत व्यक्त केले. सूत्रसंचालन आर. बी. बोरसे तसेच आभार एस. व्ही साळुंखे यांनी केले. स्पर्धेचे प्रमुख पंच अभिषेक जाधव यांनी काम पाहिले. स्पर्धा यशस्वी पार पडण्यासाठी क्रीडा शिक्षक एस. एस. दत्तू यांचे सहकार्य लाभले. कार्यक्रमाला सर्व क्रीडा शिक्षक उपस्थित होते.
