रावेर (प्रतिनिधी) : तालुक्यातील पाल येथील सुकी नदीवरील गारबर्डी धरण हे सातपुडा भागात दमदार पावसामुळे ओव्हर फ्लो झाले असून सुकी नदीला पूर आला आहे. नागरिकांना सतर्कतेचा इशारा अधिकाऱ्यांनी दिला आहे.
सुकी नदीच्या पाण्यामुळे गारबर्डी, पाल, लोहारा, उटखेडा, भातखेडा, कुसुंबा, सावखेडा, कुंभारखेडा, चिनावल, वाघोदा, वडगाव, निंभोरा, दसनूर, सिंगनूर, बलवाडी, तांदलवाडी, व पंचकोशातील गावांच्या विहिरींच्या जलपातळीत वाढ होण्यास मदत होणार आहे व पिण्याच्या पाण्याचा प्रश्न मिटणार आहे. कुणीही नदी पात्रात गुरे-ढोरे चारू नये व पाण्यामध्ये उतरू नये, असे आवाहन सुकी नदी प्रकल्प शाखाधिकारी अजय जाधव यांनी परिसरातील नागरिकांना केले आहे.
