जळगाव तालुक्यातील नशिराबाद येथे कारवाई
जळगाव (प्रतिनिधी) : तालुक्यातील नशिराबाद गावात मोमीन गल्लीत एक तरुण तलवार घेऊन दहशत पसरवीत असल्याची माहिती मिळाल्यावरून नशिराबाद पोलिसांनी त्याला शनिवार दि. २७ जुलै रोजी अटक केली आहे.
नशिराबाद पोलीस स्टेशनचे सपोनि आसाराम मनोरे यांना गुप्त माहीती मिळाली. नशिराबाद गावात अताउल्लाह अमानउल्लाह (वय-२९, रा. मोमीन मोहल्ला, नशिराबाद ता. जि जळगाव) हा हातात तलवार घेवुन दहशत माजवित आहे. (केसीएन)त्यावरुन सपोनि मनोरे यांनी पो.उप निरी. महेश घायतड, पो.हे.कॉ. युनुस रसुल शेख, पो.कॉ साळवे, व पोकों पठाण यांचे पथक पाठवले.
सदर तरुणाला जागीच पकडुन त्याचे ताब्यातुन एक लोखंडी धातुची सुमारे ३२ इंच लांबीची तलवार जप्त करुन अताउल्लाह अमानउल्लाह शहा याला ताब्यात घेवुन त्याचे विरुध्द नशिराबाद पोलीस स्टेशन येथे गुन्हा दाखल केला आहे. पुढिल तपास पोहेकॉ योगेश वराडे हे करीत आहेत.(केसीएन)सदर कारवाई पोलीस अधीक्षक महेश्वर रेड्डी, अपर पोलीस अधीक्षक अशोक नखाते, उपविभागीय पोलीस अधिकारी भुसावळ भाग कृष्णांत पिंगळे यांचे मार्गदर्शन व सुचनाप्रमाणे सहायक पोलीस निरिक्षक आसाराम मनोरे यांचे पथकातील अंमलदार पोउनि महेश घायतड, पोहेकॉ युनुस शेख, पोकॉ सागर बिडे, पोकॉ रुपेश साळवे, पोकॉ तौसिफ पठाण अश्यांनी केली आहे.
