उद्या मान्यवरांच्या हस्ते उद्घाटन
जळगाव (प्रतिनिधी) : यंदा जागतिक व्याघ्र दिनी यावल वनक्षेत्रात व्याघ्र संवर्धनासाठी यावल वनविभाग आणि वन्यजीव संरक्षण बहुउद्देशीय संस्थेचे १५० व्याघ्र दुत सज्ज झाले आहेत. जागतिक व्याघ्र दिन जनजागृती कार्यक्रमाचा शुभारंभ दि. २८ जुलै रोजी लांडोरखोरी वन उद्यान येथे जिल्हाधिकारी आयुष प्रसाद, एसपी महेश्र्वर रेड्डी, यावल विभागाचे उपवन संरक्षक जमीर शेख, जळगाव विभागाचे उप वनसंरक्षक ए. प्रवीण, जळगाव शहराचे आमदार राजूमामा भोळे, भरत अमळकर यांच्या प्रमुख उपस्थितीत उद्घाटन सोहळा होणार आहे.
वनविभाग यावल, वनविभाग जळगाव आणि वन्यजीव संरक्षण संस्था यांच्या संयुक्त विद्यमाने आयोजित जनजागृती कार्यक्रमात संस्था अध्यक्ष रवींद्र फालक, अजय बावणे वनपरिक्षेत्र आहे अधिकारी रावेर, नितीन बोरक वनपरिक्षेत्र अधिकारी जळगाव, परिमल साळुंखे वढोदा रेंज निमंत्रक बाळकृष्ण देवरे, योगेश गालफाडे ,केंद्रीय पर्यावरण सक्षमीकरण समिती चे सदस्य राजेंद्र नन्नवरे, स्कायनेटचे उदय पाटील, शिवराज पाटील, संजीव सटाले, दिशा फाउंडेशनचे विनोद ढगे, लघुउद्योग भारतीचे अध्यक्ष संतोष इंगळे, सचिन अमळकर, समीर साने, संस्था पदाधिकारी तसेच १५० व्याघ्र दुतांच्या सहभागाने साजरा होणार आहे.
मान्यवरांच्या हस्ते रॅलीस हिरवी झेंडी दाखवल्यानंतर दोन दिवसीय जनजागृती रॅली पहिला दिवस नशिराबाद, भुसावळ, वरणगाव, मुक्ताई नगर , डोलारखेडा, दुई, सुकळी या गावात तर यावल वनक्षेत्रात रावेर , कुसुंबा, लालमाती, सहस्रलिंग, पाल व परिसरातील गावांमधे पथनाट्य सादरीकरण, मानवी वाघ, माहिती पत्रक वितरण करत वाघ वाचवा जंगल वाचवा च्या घोषणा देत जनजागृती करण्यात येणार आहे
वन्यजीव संरक्षण संस्था, आणि वनविभाग यावल , जळगांव यांच्या सैयुक्त विद्यमाने जनजागृती रॅली संपन्न होत आहे,
वाघांच्या संरक्षणासाठी आयोजित जनजागृती रॅलीत नासिक, नंदुरबार, वाशिम, ठाणे, मुंबई, रायगड, अकोला, वर्धा, तर गुजरात आणि उत्तर प्रदेश येथून देखील व्याघ्र दुत सहभागी होत आहेत. वाघ वाचवा जंगल वाचवा, घोषणा देत 29 रोजी जागतिक व्याघ्र दिनाच्या पार्श्वभूमीवर यावल वनक्षेत्र परिसरातील गावा गावात उप वनसंरक्षक वनविभाग यावल जमीर शेख यांच्या नेतृत्वात वनपरिक्षेत्र अधिकारी अजय बावणे, समस्त वनकर्मचारी यांच्या सहकार्याने जनजागृती करण्यात येणार आहे
कार्यक्रमाच्या यशस्वीतेसाठी, वनपरिक्षेत्र अधिकारी रावेर अजय बावणे, संस्था अध्यक्ष रवींद्र फालक , बाळकृष्ण देवरे योगेश गालफाडे, राजेश सोनवणे, मुकेश सोनार, जगदीश बैरागी, राहुल सोनवणे, प्रसाद सोनवणे, प्रदीप शेळके, वासुदेव वाढे, निलेश ढाके, सप्नील महाजन, सतीश कांबळे, विजय रायपुरे, स्कायलेब डिसुझा आदी परिश्रम घेत आहेत. जास्त नागरिकांनी लाभ घ्यावा असे आवाहन आयोकांनी केले आहे.
========================