मावळते निरीक्षक शिंदेंनी दिला पदभार
जामनेर (प्रतिनिधी) : येथील पोलीस स्टेशनचे निरीक्षक किरण शिंदे यांची विनंती बदली म्हणून अहमदनगरला बदली झाली. त्यांच्या जागी जळगाव सायबर पोलीस स्टेशनला असलेले पोलीस निरीक्षक मुरलीधर माधव कासार हे जामनेर पोलीस स्टेशनला रुजू झाले. किरण शिंदे यांनी त्यांना पदभार दिला.
पोलीस निरीक्षक किरण शिंदे यांचा जामनेर पोलीस स्टेशनला तीन वर्ष कार्यकाल पूर्ण झाल्यामुळे त्यांनी विनंती बदली घेतली आहे. त्यांनी अतिक्रमणाचा विषय उत्तम प्रकारे हाताळून गुंड प्रवृत्तीच्या आरोपींना आळा घातला. त्याचबरोबर अनेक गुन्हे त्यांनी उघडकिस आणले आहे. किरण शिंदे यांना जामनेर पोलीस स्टेशनच्या वतीने निरोप देण्यात आला. पोलीस निरीक्षक किरण शिंदे यांनी जामनेर पोलीस स्टेशनच्या पदभार सोडला असून नवीन आलेले मुरलीधर कासार यांनी पदभार स्वीकारला आहे.
