राजकीय विश्लेषकांसह भाजप पक्षश्रेष्ठींचे अनुकूल मत
जळगाव (विशेष प्रतिनिधी) : शहरातील लोकप्रिय आमदार सुरेश दामू भोळे अर्थात राजूमामा भोळे यांना विधानसभेसाठी पुढील पंचवार्षिकसाठी पुन्हा संधी मिळणार असल्याची माहिती भाजपच्या बैठकीतून विश्वसनीय सूत्रांकडून मिळाली आहे. राजुमामाची गल्ली ते दिल्ली ओळख असण्याने व लोकप्रियतेमुळे राजूमामा यांना पुन्हा पक्षातर्फे संधी देण्याबाबत पक्षश्रेष्ठीदेखील अनुकूल असल्याने आता आ. मामा कामाला देखील लागल्याचे दिसून आले आहे.
जळगाव शहर विधानसभा निवडणुकीत भाजपाला राजूमामांशिवाय पर्याय नाही. त्यामुळे पुढील पंचवार्षिकीसाठी त्यांनाच पुन्हा संधी देण्यात यावी अशी माहिती बैठकीत देण्यात आल्याचे समजते. नुकतीच मुंबईत भाजपाची विधानसभा तयारीबाबत बैठक झाली आहे.(केपीएन)या बैठकीमध्ये विधानसभेच्या सर्व जागांबाबत चर्चा केल्या जात आहेत. तसेच, विजयी होऊ शकणाऱ्या उमेदवारांबाबत तर्क लावले जाऊन त्यांच्या विजयाबाबत अभ्यास केले जात आहेत.
जळगाव शहर विधानसभेसाठी आ. सुरेश भोळे यांनी गेल्या ५ वर्षात केलेल्या कामांचा धडाका तसेच सर्व समाजात त्यांचा वावर यासह त्यांची जनसेवा या सर्व बाबी महत्वाच्या ठरल्या आहेत.(केपीएन)शहरासाठी आ. भोळे यांनी वेळोवेळी विकासनिधी देखील मंजूर करून आणला आहे. त्यामुळे शहरात विविध अंगाने विकास झालेला आहे. काही ठिकाणी उणीव आहेत. मात्र पुढील पंचवार्षिकला आ. भोळे हे हि उणीवदेखील नक्की भरतील यात शंका नाही.
सध्या भाजपाकडे आ. राजूमामा यांच्याशिवाय दुसरा सक्षम उमेदवारच दिसून येत नाही. ज्या उमेदवाराला १ लाखांपेक्षा अधिक मताने विजय मिळेल अशी नावे सध्या तरी सापडत नाहीत.(केपीएन)त्यामुळे भाजप कुठलीच रिस्क घ्यायला तयार नाहीत. याकरिता आ. राजूमामा यांचे तिकीट अंतिम समजले जात आहे. आमदार मामांना तिकीट जर पुनः मिळाले तर ते नक्कीच लाखो मतांनी विजयी होतील अशी माहिती राजकीय वर्तुळातून मिळत आहे.
