शहरात मतदान जनजागृती
जामनेर (प्रतिनिधी) : येथील तहसीलदार नानासाहेब आगळे यांनी मतदानातील टक्केवारी वाढावी यासाठी शहरात सायकल रॅली आयोजित करण्यात आली होती. नागरिकांनी लोकसभा सार्वत्रिक निवडणुकीत निर्भिडपणे मतदान करुन मी माझ्या मतदानाचा हक्क बजावेन अशा आशयाचा संकल्प घेण्याची शपथ या वेळी घेतली.
मतदान जनजागृती कार्यक्रमास तरुण मतदारांनी सुद्धा सहभागी होऊन उत्स्फूर्तपणे प्रतिसाद दिला. योग्य मार्गदर्शन व माहिती त्यांना मतदानात सहभागी होण्यासाठी तहसिलदार नानासाहेब आगळे यांनी सांगितले. सायकल रॅलीत हातात “मतदान जनजागृती” “सर्वांची आहे जबाबदारी मत देणार नर नारी” “मतदार राजा जागा हो लोकशाहीचा धागा हो”अश्या प्रकारचे सुचना फलक घेऊन “मतदान करा” “लोकशाहीच्या चळवळीत सहभागी होऊ या” अशा घोषणा दिल्या.
शहरातील शालेय विद्यार्थी व विद्यार्थिनी गणवेशात उपस्थित झालेले होते. गगनभेदी घोषणांनी परीसर दणाणुन सोडला होता. गटविकास अधिकारी- श्रीकृष्ण इंगळे,नायब तहसीलदार-प्रशांत निंबोळकर,तसेच तहसिल कार्यालयाचे कर्मचारी उपस्थित होते.
