जळगावातील वाल्मिक नगरातील घटना
जळगाव (प्रतिनिधी) :- शहरातील वाल्मिक नगर परिसरात तलवार घेवून दहशत पसरवणाऱ्या इसमाला शनिपेठ पोलिसांनी लोखंडी तलवारीसह अटक केली आहे. त्याच्याविरुद्ध मंगळवार, २७ फेब्रुवारी रोजी शनिपेठ पोलिस ठाण्यात गुन्हा दाखल करण्यात आला आहे.
विजय बाबुराव तायडे (४८, रा. वाल्मिक नगर) असे संशयित आरोपीचे नाव आहे. वाल्मिक नगरात विजय तायडे हा लोखंडी तलवार घेवून फिरत असल्याची माहिती तालुका पोलिस ठाण्याचे पोलिस निरीक्षक रंगनाथ धारबळे यांना मिळाली. त्यांनी कारवाईच्या सूचना दिल्या. त्यानुसार पोहेकॉ विजय खैरे, पोकॉ राहुल पाटील, अनिल कांबळे, राहुल घेटे, मुकुंद गंगावणे यांनी वाल्मिक नगरातून तायडे याला अटक करून लोखंडी तलवार हस्तगत केली. पोलिस अंमलदार अनिल कांबळे यांच्या फिर्यादीवरून शनिपेठ पोलिस ठाण्यात गुन्हा दाखल करण्यात आला आहे. पुढील तपास पोउनि नंदकिशोर पाटील करीत आहेत.
