जळगाव (प्रतिनिधी) :- येथील जगतगुरु संत रोहिदास महाराज चर्मकार बहुद्देशीय संस्थेची नुकतीच बैठक घेतली. बैठकीत संत रोहिदास महाराज यांच्या जयंतीनिमित्त मिरवणूक व इतर उपक्रमांचे आयोजन करण्याचे निश्चित करण्यात आले.
संस्थेचे अध्यक्ष किशोर धोरे यांनी बैठकीला मार्गदर्शन केले. शनिवारी दि. २४ फेब्रुवारी रोजी दुपारी ४ वाजता जयंती मिरवणूक हि शिवाजीनगर उड्डाणपूल जवळील छत्रपती शिवाजी महाराजांच्या पुतळ्यापासून निघेल. मान्यवरांच्या हस्ते प्रतिमा पूजन झाल्यावर मिरवणुकीला सुरुवात होईल. मिरवणूक उड्डाणपूल मार्गे दूध फेडरेशन जवळून राजमालती नगरातील संत रोहिदास महाराजांच्या मंदिरात पोहोचेल. तेथे संत रोहिदास महाराज यांच्याविषयी व्याख्यान होईल.
बैठकीला उपाध्यक्ष विजय खजूरे, सचिव दीपक मेथे, खजिनदार विजय अहिरे यांच्यासह संजय अहिरे, विक्रम हिरे, लखन जिरे, छोटू धोरे, भाईदास कासवे, सुनील वाघ, संतोष धोरे, शालिक सुरवाडे, राजू मोतीराळे, कैलास महाले, दिलीप धोरे, गणेश धोरे, राजू धोरे, कैलास भारुळे, कैलास सावकारे, बापू सोनवणे, गणेश भारुळे आदी उपस्थित होते.
