धरणगाव ( प्रतिनिधी ) – धरणगाव तालुक्यातील बांभोरी येथील विवाहितेला बुलेट गाडी घेण्यासाठी पैशांची मागणी करत मारहाण करत जीवेठार मारण्याची धमकी दिली आहे. याप्रकरणी सोमवारी ३ जुलै रोजी सायंकाळी ५ वाजता पतीसह सासरच्या मंडळींविरोधात धरणगाव पोलीस स्टेशनला गुन्हा दाखल करण्यात आला आहे.
धरणगाव तालुक्यातील बांभोरी येथील माहेर असलेल्या भावना चंद्रकांत पाटील यांचा विवाह जळगाव तालुक्यातील कुसुंबा येथील चंद्रकांत रमेश पाटील यांच्याशी झालेला आहे. लग्नानंतर पती चंद्रकांत पाटील हा काहीही ना काही कारणावरून महिलेला टोचून बोलणे सुरू केले. त्यानंतर काही दिवसांनी विवाहितेला माहेरहून बुलेट गाडी घेण्यासाठी माहेरहून दोन लाख रूपयांची मागणी केली. विवाहितेने पैसे आणले नाही म्हणून तिला शिवीगाळ करत मारहाण करण्यास सुरूवात केली. त्यानंतर सासू आणि सासरे यांनी अंगावरील स्त्री धन काढून घेत माहेरी पाठवून दिले. हा प्रकार घडल्यानंतर विवाहितेने सोमवारी ३ जूलै रोजी सायंकाळी ५ वाजता धरणगाव पोलीस स्टेशनला दिलेल्या तक्रारीवरून पती चंद्रकांत रमेश पाटील, सासरे रमेश माधव पाटील, सासू उषाबाई रमेश पाटील सर्व रा. कुसुंबा, ता.जि.जळगाव यांच्याविरोधात धरणगाव पोलीस स्टेशनला गुन्हा दाखल करण्यात आला आहे. पुढील तपास पोहेकॉ खुशाल पाटील करीत आहे.
