यावल (प्रतिनिधी) – तालुक्यातील परसाडे परिसरात रविवारी मध्यरात्री अचानक वादळी वाऱ्यासह पाऊस झाला. यात घर कोसळल्याने तबेल्यातील घोड्याचा दुदैवी मृत्यू झाल्याची घटना घडली आहे.
परसाडे गावातील पीरखा ललाखा तडवी यांचा मालकीचा घोडा गावातील पत्र्याच्या घरात बांधलेला होता. रविवारी २९ मे रोजी मध्यरात्री १ ते ३ वाजेच्या सुमारास चक्रीवादळ आल्याने घोडा बांधलेले घर कोसळले. यात घोड्याचा दाबला गेल्याचे मृत्यू झाला. पिरखा तडवी कुटुंबाचे सुमारे २ लाखांचे नुकसान झालेले आहे. कुटुंब उघड्यावर आल्यासारखं झालेले असल्याने तडवी कुटुंबास शासनाकडून आर्थिक मदत मिळण्याची अपेक्षा आहे.
या घटनेचा पंचनामा परसाडे येथील तलाठी समीर तडवी व ग्रामसेवक मजीत तडवी यांच्यासह अश्वमालक पिरखा तडवी यांच्या उपस्थित करण्यात आला. शवविच्छेदन डॉ. भगुरे पशुवैद्यकीय अधिकारी यावल यांनी केले.
