यावल (प्रतिनिधी) – तालुका कृषी उत्पन्न बाजार समितीच्या सभापती आणि उपसभापती पदाची निवडणूक पार पडली. सभापती पदासाठी हर्षल गोविंदा पाटील तर उपसभापती पदासाठी दगडू जनार्दन कोळी उर्फ बबलू यांचा प्रत्येकी एकमेव अर्ज आल्याने निवडणूक अधिकारी सहकार विभाग लेखाधिकारी वर्ग एक जळगाव पी एफ चव्हाण यांनी बिनविरोध निवड जाहीर केली. याप्रसंगी सर्व नवनिर्वाचित सदस्य उपस्थित होते.
यावल तालुका कृषी उत्पन्न बाजार समितीचे सभापती आणि उपसभापती पदासाठी दि. १८ मे गुरुवार रोजी कृषी उत्पन्न बाजार समितीचे सभागृहात निवडणूक घेण्यात आली त्यात भारतीय जनता पार्टीचे हर्षल गोविंदा पाटील यांचा एकमेव अर्ज सभापती पदासाठी आला होता तर उपसभापती पदासाठी ग्रामपंचायत मतदार संघातून प्रथमच किनगाव येथील दगडू उर्फ बबलू जनार्धन कोळी यांनी एकमेव नामांकन दाखल केले होते. निवडणूक अधिकारी पी. एफ. चव्हाण ते बिनविरोध निवडून आल्याचे जाहीर केले.
