जळगाव (प्रतिनिधी) – दुचाकी घसरून अपघात झाल्याने जखमी १५ वर्षीय मुलाचा रुग्णालयात उपचार घेत असताना सोमवार १ मे रोजी मृत्यू झाला.तालूका पोलिसात अकस्मीक मृत्युची नोंद करण्यात आली आहे.
सुमित ज्ञानेश्वर सपकाळे (वय-१५ रा. किनोद ता. जळगाव) असे मयत तरुणाचे नाव आहे. सुमित सपकाळे हा शनिवार २९ रोजी सायंकाळी ५ वाजेच्या सुमारास दुचाकीवरून घरी जात होता. जळगाव किनोद रस्त्यावर दुचाकी घसरून पडल्याने त्याचा अपघात झाला. अपघातानंतर घटनेची माहिती मिळाल्यावर कुटूंबीय ग्रामस्थांनी सुमितला जळगाव शहरातील खासगी क्रिटिकल केअर ॲण्ड ट्रॉमा सेंटर येथे उपचारासाठी दाखल केले होते. उपचार सुरू असताना सोमवार (ता.१ मे) रोजी दुपारी सुमित याची प्राणज्योत मालवली. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे.
