अमळनेर ( प्रतिनिधी ) – अमळनेर शहरातील माळीवाडा परिसरातील एका दुकानातून ५२ हजार रूपये किंमतीचे १० मोबाईल अज्ञात चोरट्यांनी चोरून नेल्याचे उघडकीला आले आहे. याप्रकरणी अमळनेर पोलीस स्टेशनला रविवारी ८ जानेवारी रोजी सायंकाळी ७ वाजता अज्ञात चोरट्यांविरोधात गुन्हा दाखल करण्यात आला आहे.
याबाबत अमळनेर पोलीसांनी दिलेली माहितीवरून , साजीद खान रशीद खान रा. शाह आलम नगर, जळगाव हे आपल्या परिवारासह राहायला आहे. त्याचे माळीवाडा परिसरात मोबाईल विक्रीचे दुकान आहे. शनिवारी ७ जानेवारी रोजी मध्यरात्री अज्ञात चोरट्याने दुकान फोडून दुकानातील ५२ हजार रूपये किंमतीचे १० मोबाईल चोरून नेल्याचे समोर आले आहे. याप्रकरणी साजीद खान याने रविवारी ८ जानेवारी रोजी सायंकाळी ७ वाजता अमळनेर पोलीस स्टेशनला दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ संजय पाटील करीत आहे.
