पाचोरा (प्रतिनिधी) – निर्मल इंटरनॅशनल स्कूलचे वार्षिक स्नेहसंमेलन अतिशय दिमागदार पध्दतीने संपन्न झाले. कार्यक्रमासाठी विशेष अतिथी म्हणून जळगाव जिल्ह्याचे जिल्हाधिकारी श्री अमन मित्तल व निर्मल इंटरनॅशनल स्कूलच्या अध्यक्षा तथा निर्मल सीड्सच्या संचालिका सौ. वैशाली सुर्यवंशी होते. प्रथमतः मुख्य अतिथी व मान्यवरांच्या शुभहस्ते दीपप्रज्वलन करण्यात आले व सरस्वतीच्या प्रतिमेस माल्यार्पण करून गणेश वंदनाने कार्यक्रमाला सुरुवात करण्यात आली. विद्यार्थ्यांना नृत्याविष्कार करण्यासाठी दरवर्षी वेगवेगळी विषय देण्यात येतात यावर्षी भारताची गानकोकिळा लता मंगेशकर यांच्या गीतांवर आधारित स्वरलता हा विषय देण्यात आलेला होता. यासाठी विद्यार्थ्यांचे वेगवेगळे गट तयार करण्यात आले होते.
विद्यार्थ्यांनी केलेल्या नृत्याविष्कारांनी उपस्थित पालक तसेच प्रेक्षक मंत्रमुग्ध झाले होते. विशेष म्हणजे विद्यार्थ्यांनी स्वतः वेगवेगळ्या भाषांमध्ये सूत्रसंचालन करून सर्वांना आश्चर्यचकित केले.
जिल्हाधिकारी श्री. अमन मित्तल यांनी आपल्या मार्गदर्शनात सर्व विद्यार्थ्यांचे मन भरून कौतुक केले व सर्वांना शुभेच्छा दिल्या तर कार्यक्रमाचे अध्यक्षा सौ. वैशालीताई सुर्यवंशी यांनी अशा प्रकारच्या नृत्याविष्कारातून विद्यार्थ्यांच्या सर्वांगीण विकास होतो आणि हा विलोभनीय सोहळा सर्व पाचोरा आणि पंचक्रोशीसाठी एक पर्वणीच आहे.असे प्रतिपादन केले यावेळी संस्थेचे उपाध्यक्षा कमलताई पाटील, शाळेचे सचिव नरेंद्रसिंग सुर्यवंशी, शालेय शिक्षण संचालक डॉ. भगवान सावंत, निर्मल सीड्स चे सर्व पदाधिकारी प्राचार्य निर्मल स्कूलचे प्राचार्य श्री. गणेश राजपूत, उपप्राचार्य श्री. प्रदीप सोनवणे आदी उपस्थित होते.कार्यक्रमाच्या यशस्वीतेसाठी सर्व शिक्षक तसेच शिक्षकेतर कर्मचाऱ्यांनी अथक परिश्रम घेतले.
