जळगाव ( प्रतिनिधी ) – जळगाव तालुक्यातील एका गावातील अल्पवयीन मुलीचे अपहरण केल्याचे समोर आले आहे. याप्रकरणी बुधवारी सायंकाळी ७ वाजता अज्ञात व्यक्तीविरोधात एमआयडीसी पोलीस स्टेशनला गुन्हा दाखल करण्यात आला आहे.
याबाबत सविस्तर वृत्त असे की, जळगाव तालुक्यातील एका गावात १४ वर्षीय अल्पवयीन मुलगी ही आपल्या परिवारासह राहायला आहे. बुधवार २३ नोव्हेंबर रोजी दुपारी ३ वाजेच्या सुमारास मुलगी ही शाळेत गेलेली असताना अज्ञात व्यक्तीने तिचे अपहरण करून पळवून नेल्याचे समोर आले आहे. दरम्यान तिच्या नातेवाईकांनी तिचा सर्वत्र शोध घेतला परंतु ते कुठेही मिळून आल्याने अखेर सायंकाळी ७ वाजता एमआयडीसी पोलीस स्टेशनला दिलेल्या तक्रारीवरून अज्ञात व्यक्ती विरोधात गुन्हा दाखल करण्यात आला आहे. या घटनेच्या पुढील तपास पोलीस उपनिरीक्षक आणि शेख करीत आहे.
