पाचोरा (प्रतिनिधी) शनिवार दि. ९ रोजी निवडणूक आयोगाने आमच्या पक्षाचे नांव ” शिवसेना” व चिन्ह “धनुष्यबाण” गोठविले असल्याचा आरोप पाचोरा -भडगांव तालुका शिवसेना व युवासेनेतर्फे करण्यात येऊन जाहीर निषेध व्यक्त करण्यात आला . प्रसिद्धी पत्रकात म्हटले आहे कि,
वास्तविक आमच्या पक्षाचे आवश्यक ती माहिती वेळेच्या आत निवडणूक आयोगाकडे पोहचवली होती व संपूर्ण विचारांती निर्णय घेण्याची विनंती केली होती.
परंतु निवडणूक आयोगाने दबावाखाली घाईघाईने निर्णय घेवून आमच्या पक्षाचे नाव “शिवसेना” व चिन्ह “धनुष्यबाण” गोठविले त्याबद्दल पाचोरा -भडगांव तालुका शिवसेना व युवासेनेच्या वतीने आम्ही निवडणूक आयोगाचा जाहिर निषेध व्यक्त करीत असल्याचे यात म्हटले आहे.
त्याच वेळी ज्यांच्या बंडखोरीमुळे सदरचा प्रकार घडला त्या मा.मुख्यमंत्री एकनाथ शिंदे व त्यांच्या४० सहकाऱ्यांचा जाहिर धिक्कार करून महाराष्ट्राचा विकासासाठी, गोरगरीबांच्या कल्याणासाठी, हिंदुत्वाचा रक्षणासाठी, शिवसेनाप्रमुख वंदनिय बाळासाहेब ठाकरे यांनी जिवाचे रान करुन प्रतिकुल परिस्थीतीमध्ये शिवसेना पक्षाची उभारणी करुन महाराष्ट्राची व देशाची सेवा अविरतपणे केली तो शिवसेना संपविण्याचे षडयंत्र करणाऱ्यांना
जनताजनार्दन त्यांची जागा दाखविल्याशिवाय राहणार नाही. हा निकाल म्हणजे लोकशाहीचा गळा घोटण्याचे महापाप असल्याचे यात म्हटले आहे.
प्रांताधिकार्यांना दिलेल्या निवेदनाप्रसंगी शिवसेना नेत्या वैशाली ताई सुर्यवंशी, जिल्हा प्रमुख दिपकसिंग राजपूत ,अरूण रूपचंद पाटील, अँड अभय पाटील, रमेश जी बाफना, दिपक पाटील,गोरख पाटील,अनिल पाटील,शरद पाटील,शाम पाटील,माधव जगताप, संदिप जैन प्रविण पाटील,जिभाऊ पाटील,दत्ता जडे,दादाभाऊ चौधरी,पप्पु राजपूत यांच्या सह मोठ्या संख्येने पदाधिकारी कार्यकर्ते उपस्थित होते.
