जळगाव (प्रतिनिधी ) – येथिल गोदावरी नर्सिंग महाविद्यालयात अवघं गोकुळ अवतरलं राधाकृष्णच्या वेषभुषा, परिधान करत गोकुळाष्टमी सण मोठ्या उत्साहात साजरा करण्यात आला. गोविंदाच्या भुमिकेत पुढे येत तरूणींनी दहीहंडी फोडली.
याप्रसंगी गोदावरी फाऊंडेशन चे अध्यक्ष डॉ उल्हास पाटील, सचिव डॉ वर्षा पाटील, डॉ वैभव पाटील, डॉ उल्हास पाटील मेडिकल कॉलेज चे डीन डॉ एन.एस.आर्वीकर, नर्सिंग कॉलेज चे डायरेक्टर शिवानंद बिरादार, प्रो.विशाखा वाघ, प्रो.अश्विनी वैद्य, गौरी मॅडम, निलिमा मॅडम, कु.समृद्धी यांची उपस्थिती होती. डॉ उल्हास पाटील यांच्यासह मान्यवरांच्या हस्ते राधाकृष्णाच्या मूर्तीचे पूजन करून कार्यक्रमास प्रारंभ झाला. याप्रसंगी गोदावरी नर्सिंगचे रजिस्ट्रार प्रविण कोल्हे, मेट्रन संकेत पाटील, मनिषा खरात, किर्ती पाटील यांच्यासह नर्सिंग महाविद्यालयातील विद्यार्थी, टिचिंग-नॉन टिचिंग स्टाफची उपस्थीती होती.
सांस्कृतिक कार्यक्रमांनी कार्यक्रमात रंग भरला. यात नृत्य, नाटिका, विविध खेळांचे सादरीकरण करण्यात आले. डोळ्यावर पट्टी बांधत मटकी शोधण्याच्या खेळाने सर्वांचे लक्ष वेधले. यानंतर जीएनएम विरूध्द बी एस्सी प्रथम वर्ष विद्यार्थींनीनी दहीहंडी फोडण्याचा प्रयत्न्ा केला. यानंतर जीएनएम प्रथम वर्ष मुले तर बीएस्सी व्दीतीय वर्ष मुले यांनी प्रयत्न केला जमीनीपासून ५० फुट अशी दहीहंडी लावण्यात आली होती. यावेळी विविध सांस्कृतिक कार्यक्रमाचे आयोजनही करण्यात आले होते. विद्यार्थ्यांनी संगीत, नाटीका सादर करत उपस्थीतांचे मनोरंजन केले. यानंतर खेळाचेही आयोजन करण्यात आले होते.
