जळगाव ( प्रतिनिधी ) – फावड्याच्या दांड्याने गळा दाबून युवकाची हत्या करणाऱ्या फरार आरोपीला स्थानिक गुन्हे शाखेच्या पथकाने जामनेर चिंचखेडा गावातून अटक केली ने खूनाची कबुली दिल्यावर त्याला जामनेर पोलीसांच्या ताब्यात देण्यात आले आहे.
नथ्थू काळू सुरळकर ( वय २८ रा. चिंचखेडा ता .जामनेर ) असे अटकेतील संशयिताचे नाव आहे. शाम फकीरा ठाकरे ( वय 30 रा.गंगापूरी ता. जामनेर ) असे मयत तरूणाचे नाव आहे.
२५ जून रोजी दुपारी गंगापूरी गावातील दाम्पत्य फलोद्यानात रानतुळस घेण्यासाठी गेले असता त्यांना पळसाच्या झाडाखाली मृतदेह आढळला होता. दाम्पत्याने वॉचमन नथ्थू सुरळकर यास सांगितले सुरळकरने त्याच्या जोडीदाराला फोन केला माहिती मिळाल्यावर जामनेर पोलीसांनी घटनास्थळ गाठून मृतदेह रुग्णालयात हलविला होता. मयत हा गंगापूरी गावातील शाम फकीरा ठाकरे असल्याचे समोर आले होते. जामनेर पोलीस ठाण्यात अज्ञात व्यक्तीविरोधात खूनाचा गुन्हा दाखल करण्यात आला होता.
पोलीस अधीक्षक डॉ प्रवीण मुंढे यांनी सुचना स्थानिक गुन्हे शाखेला दिल्या होत्या. जामनेर पोलिसांकडूनही समांतर तपास सुरु होता.२० दिवसांच्या तपासानंतर स्थानिक गुन्हेच्या पथकाने संशयिताबाबत माहिती निष्पन्न केली. मृतदेह ज्यादिवशी आढळला त्यादिवशी घटनास्थळी असलेला वनविभागाचा वॉचमन नथ्थू सुरळकर यानेच हा खून केल्याची गोपनीय माहिती स्थानिक गुन्हे शाखेचे पोलीस निरिक्षक किरणकुमार बकाले यांना मिळाली.
स पो नि जालींदर पळे, पो हे कॉ सुनील दामोदरे, जयंत चौधरी, लक्ष्मण पाटील, संदीप सावळे, रणजित जाधव, किशोर जाधव, विनोद पाटील, ईश्वर पाटील, दर्शन ढाकणे, प्रमोद ठाकूर यांच्या पथकाने गुरुवारी चिंचखेडा गावातून नथ्थू सुरळकर यास ताब्यात घेतले. मयत शाम ठाकरे झोपडीजवळ आला, दारुच्या नशेत तो विनाकारण आई वडीलांवरुन शिवीगाळ करत होता. मला मारण्याचा प्रयत्न करत होता. त्यामुळे मी रागात माझ्याजवळील फावड्याच्या दांडक्याने शामचा गळा दाबून त्याला मारुन टाकल्याची कबूली नथ्थू सुरळकरने पोलिसांना दिली संशयित नथ्थू सुरळकर यास जामनेर पोलिसांच्या ताब्यात देण्यात आले.
