थोरॅकोस्कोपिकद्वारे फुफ्फुसातून काढले पाणी
जळगाव ( प्रतिनिधी ) – सिव्हीयर न्यूमोनियासह छातीत डाव्या बाजूला संपूर्ण पाणी भरल्याने श्वास घेण्यास त्रास, हिमोग्लोबिन कमी आणि रक्तातील ऑक्सीजनची पातळीही कमी झाल्याने ११ वर्षाच्या मुलाच्या जीवाला धोका निर्माण झाला होता. मात्र डॉ.उल्हास पाटील रुग्णालयात अत्याधुनिक व्हिडीओ सहाय्यक थोरॅकोस्कोपिक शस्त्रक्रियेद्वारे रुग्णाच्या फुफ्फुसातून पाणी काढण्यात आले. यानंतर रुग्ण सुरळीतपणे श्वास घेऊ लागला.
मुंबई-पुणे येथे होणारी वॅट्स(तअढड)अर्थात व्हिडीओ असीस्टेड थोरॅकोस्कोपिक शस्त्रक्रिया आता जळगावात म्हणजेच गोदावरी संस्थेच्या रुग्णालयात होत आहे. नुकताच ११ वर्षीय मनोज (नाव बदललेले) श्वासोच्छवासास त्रास, हिमोग्लोबिन कमी असल्याच्या कारणास्तव अॅडमिट झाला होता. यावेळी बालरोग शल्यचिकित्सक डॉॅ.मिलींद जोशी यांनी रुग्णाची हिस्ट्री जाणून घेत एक्स रे पाहिला व उपचाराची दिशा ठरविण्यासाठी सीटी स्कॅन करण्यास सांगितले. यावेळी सिव्हीयर न्यूमोनियासह छातीचा डावा भाग हा पाण्याने भरल्याने फूफूसावर दबाव येवून त्याचे कार्य बंद झाले होते, परिणामी रुग्णाला श्वासोच्छवासास त्रास उद्भवला होता.
दुर्बिणीद्वारे तिन छिद्र पाडून काढले पाणी
सर्वप्रथम रुग्णाला भुलतज्ञांद्वारे भुल देण्यात आली. त्यानंतर सर्जन डॉ.मिलिंद जोशी यांनी रुग्णाच्या छातीजवळ १० व ५ मिलिमिटरचे तीन छिद्र केले. त्याद्वारे दुर्बिणटाकून फूफूसातील संपूर्ण पाणी काढले. तसेच फूफूसावरील आवरण काढून फुफूस मुळ स्थितीत आणले. डॉ.जोशी यांच्या मार्गदर्शनाखाली रेसिडेंट डॉ.श्रीयश सोनवणे, डॉ.अनिश जोशी, डॉ.वरुणदेव यांनीही शस्त्रक्रियेत मदत केली.
एक्स रे तून शस्त्रक्रियेच यश
शस्त्रक्रियेनंतर पुन्हा रुग्णाचा एक्स रे काढण्यात आला. याप्रसंगी आधीचा एक्स रे जो पांढरा दिसत होता, तो शस्त्रक्रियेनंतर उजव्या बाजूच्या छातीच्या एक्स रे सारखा दिसून आला. ११ वर्षीय मुलगा आता श्वासही घेऊ लागला असून रक्तातील ऑक्सीजनची पातळीही आता नॉर्मल झाली.
दुर्बिणीद्वारे शस्त्रक्रिया, रुग्णांना लाभ – डॉ.मिलींद जोशी
दुर्बिणीद्वारे फूफूसातून पाणी काढण्याच्या शस्त्रक्रिया रुग्णालयात केल्या जातात. आतापर्यंत मुंबई-पुणे येथे केली जाणारी व्हिडीओ असीस्टेड ेथोरॅकोस्कोपिक सर्जरी आता गोदावरीतीही आम्ही करत आहोत. त्यामुळे रुग्णांना जवळच ही सुविधा उपलब्ध झाली असून महात्मा ज्योतिबा फुले योजनेंतर्गत येथे मोफत उपचार केले जातात, त्याचा रुग्णांनी लाभ घ्यावा.
– डॉ.मिलींद जोशी, बालरोग शल्यचिकित्सक
डॉ.उल्हास पाटील रुग्णालय, जळगाव खुर्द
