जळगाव ( प्रतिनिधी ) – शिरसोली प्र.बो. विविध कार्यकारी सेवा सहकारी संस्थेच्या सन 2022 ते 2027 या कालावधीसाठीच्या संचालक मंडळाच्या निवडणुकीसाठी आज मतदान होत आहे. ३ पॅनल मैदानात असले, तरी जनसेवा शेतकरी सहकार विकास पॅनलला सभासद मतदारांचा उत्सफूर्त प्रतिसाद मिळत असल्याचे सहकारी क्षेत्रातील जाणकारांनी सांगितले. आज दुपारी 2 वाजेपर्यंत 600 सभासदांनी आपल्या मतदानांचा हक्क बजावलेला आहे.
जनसेवा शेतकरी सहकार विकास पॅनलचे 13 उमेदवार निवडणूक लढवित आहेत. या संस्थेच्या विकासासाठी व शेतक-यांच्या समस्या सोडवण्यासाठी जनसेवा शेतकरी सहकार विकास पॅनल निवडणूक लढवीत आहे . संस्थेच्या व्यापक हितासाठी धडपड , जिल्हा बँकेसह संबंधित सरकारी विभागांसोबत समन्वयाने कामाची हमी , सभासद शेतकऱ्यांची कामे विनासायास व्हावीत म्हणून दक्षतेने करावयाचे उपाय , वसुली आणि कामातील समस्यांच्या सोडवणुकीच्या प्रयत्नांमध्ये असल्याने सभासद शेतकरी यावेळी जनसेवा शेतकरी सहकार विकास पॅनलच्या कार्यपद्धतीला संधी देण्याचा विचार करीत आहेत .
जनसेवा शेतकरी सहकार विकास पॅनलने कर्जदार खातेदार सर्वसाधारण मतदारसंघातून गोकुळ बारी , राजू बारी , विजय निळकंठ बारी , सुभाष बारी , विजय रोपला बारी , समाधान भोपळे , ज्ञानेश्वर माळी , बाळू पाटील यांना उमेदवारी दिली आहे . या मतदारसंघात मतदारांना ८ मते देण्याचा अधिकार आहे . महिला राखीव मतदारसंघातून सुरेख बारी आणि सकुबाई पाटील या जनसेवा शेतकरी सहकार विकास पॅनलच्या उमेदवार आहेत. या मतदारसंघात मतदारांना २ मते देण्याचा अधिकार आहे.
इतर मागासवर्गीय मतदारसंघात उत्तम बारी , भटके विमुक्त जाती – जमाती मतदारसंघात शेनफडू पाटील आणि अनुसूचित जाती – जमाती मतदारसंघात रामकृष्ण नेटके हे जनसेवा शेतकरी सहकार विकास पॅनलचे उमेदवार आहेत .
हे सर्व उमेदवार ‘ पतंग ‘ या चिन्हावर निवडणूक लढवत आहेत . शिरसोलीतील जिल्हा परिषद शाळा या मतदान केंद्रावर सकाळी ८ ते दुपारी ४ या वेळेत मतदान होत आहे . जिल्ह्यातील सहकार क्षेत्रासह तालुक्याचे लक्ष लागलेले असलेल्या या निवडणुकीची उत्कंठा जनसेवा शेतकरी सहकार विकास पॅनलने सभासद मतदारांपुढे मांडलेल्या मुद्द्यांमुळे वाढलेली आहे.
