पाचोरा ( प्रतिनिधी ) – शहरातील बाहेरपुरा भागातील एका मजुराने आर्थिक विवंचनेतून गळफास लावून आत्महत्या केली पाचोरा पोलिसात अकस्मात मृत्यूची नोंद करण्यात आली आहे.
शहरातील व्ही. पी. रोड, कामगार कल्याण केंद्राजवळील (बाहेरपुरा) रहिवाशी प्रकाश धना अंभोरे (वय – ४६) हे मजुरी करत होते. परिस्थिती हालाखीची, त्यातच हाताला काम नसल्याने आर्थिक विवंचनेतून प्रकाश अंभोरे यांनी ४ जुन रोजी पहाटे ५ वाजेच्या सुमारास घराजवळील शाळेच्या छताला दोर आवळुन गळफास लावत आपली जीवन यात्रा संपवली. मयत प्रकाश अंभोरे यांना ग्रामीण रुग्णालयात दाखल केले असता मृतदेहाचे शवविच्छेदन ग्रामीण रुग्णालयाचे वैद्यकीय अधिकारी डॉ. अमित साळुंखे यांनी केले.
पाचोरा पोलिसात अकस्मात मृत्यूची नोंद करण्यात आली आहे. मयत प्रकाश धना अंभोरे यांचे पश्चात पत्नी, एक मुलगा, एक मुलगी ( विवाहीत ), एक भाऊ असा परिवार आहे. प्रकाश अंभोरे यांचे अकस्मात निधनाने परिसरात शोककळा पसरली आहे.
