जळगाव ( प्रतिनिधी ) – भजे गल्लीमधील सुयोग हॉटेलमध्ये काम करणाऱ्या दोन जणांनी एकाला मारहाण व शिवीगाळ करत हातातील मोबाईल हिसकावून नेला आहे. जिल्हापेठ पोलीस ठाण्यात गुन्हा दाखल करण्यात आला
बाबासाहेब किसन गवळी (वय-४१ ) हे . शनिपेठ गवळीवाडा येथे कुटुंबियांसह वास्तव्याला आहे. पानटपरी चालवून उदरनिर्वाह करतात. २९ मे रोजी रात्री भजे गल्लीतील हॉटेल सुयोग येथे बियरची बाटली घेण्यासाठी आले होते. हॉटेल सुयोगमध्ये काम करणारा अशोक काळे ( रा. हुडको ) आणि एक अनोळखी व्यक्ती यांनी बियरच्या बाटलीच्या पैश्यांवरून बाबासाहेब गवळी यांना शिवीगाळ करून मारहाण केली. त्यांच्या हातातील ५ हजार रूपये किंमतीचा मोबाईल हिसकावून घेतला. बाबासाहेब गवळी यांनी जिल्हापेठ पोलीस ठाण्यात तक्रार दिली. २ जून रोजी सायंकाळी जिल्हापेठ पोलीस ठाण्यात गुन्हा दाखल करण्यात आला पुढील तपास पो उ नि गणेश देशमुख करीत आहेत.
