जळगाव ( प्रतिनिधी ) – तालुक्यातील जळके ते लोणवाडी रस्त्यावर अज्ञात दोन जणांनी ८० वर्षीय वृध्दाच्या हातातून सोन्याची चैन व अंगठी असा १ लाख २६ हजार रूपये किंमतीचा मुद्देमाल जबरी हिसकावून नेल्याचा धक्कादायक प्रकार घडला एमआयडीसी पोलीस ठाण्यात अज्ञात दोन जणांवर गुन्हा दाखल करण्यात आला
शामराव लोटु तायडे (वय-८०) हे . दौलत नगर भागात कुटुंबीयांसह वास्तव्याला आहे. ३० मेरोजी सकाळी शामराव तायडे मोटारसायकलने जळके येथून लोणवाडी येथे जात असताना रस्त्यावरील संदीप पाटील यांच्या शेताजवळ अज्ञात दोन जणांनी त्यांना हात देऊन थांबविले व सांगितले की, या रस्त्यावर चोऱ्या जास्त होतात, सोन्याची चैन व अंगठी रुमालात गुंडाळून डीक्कीत ठेवा. शामराव तायडे अंगठी डिक्कीत ठेवत असताना अज्ञात चोरट्यांनी त्यांच्या हातातील रुमालात ठेवलेले सोन्याची चैन व अंगठी हिसकावून पोबारा केला. शामराव तायडे यांनी एमआयडीसी पोलिस ठाण्यात तक्रार दिली. त्यांच्या तक्रारीवरून ३० मे रोजी सायंकाळी अज्ञात दोन जणांवर एमआयडीसी पोलिस ठाण्यात गुन्हा दाखल करण्यात आला पुढील तपास स पो नि अमोल मोरे करीत आहेत.