जळगाव ( प्रतिनिधी ) – पिक कर्जदार शेतकण्यांकडुन घेण्यात येणारी केसीसी लोन प्रोसिसिंग फी २०० रुपये जळगाव जिल्हा मध्यवर्ती सहकारी बँकेने रद्द करावी अशी मागणी जिल्ह्यातील शेतकऱ्यांनी केली आहे
या संदर्भात किसान काँग्रेसचे तालुकाध्यक्ष प्रा.सुभाष पाटील जिल्हा बँकेच्या व्यवस्थापकीय संचालकांना दिलेल्या निवेदनात म्हटले आहे की , या बँकेकडून देण्यात येणाऱ्या अल्प मुदत पिक कर्जावर केसीसी लोन प्रोसेसिंग फी घेण्याचा निर्णय घेतला असून तो रद्द करण्यात यावा कर्जदार सभासद विविध कार्यकारी सहकारी सोसायटीचे सभासद आहेत. त्यांचा बँकेशी थेट संबंध येत नाही. बॅक प्रत्यक्ष शेतकऱ्यास कर्ज पुरवठा न करता विविध कार्यकारी सहकारी सोसायटी यांना कर्जपुरवठा करते दरवर्षी व्याज आकारणी करुन वसुल करुन घेते त्यामुळे बँकेचा शेतकऱ्याशी प्रत्यक्ष संबध येत नाही काही थकबाकीदार सभासद कर्ज घेवून दहा दहा वर्ष कर्ज भरत नाही त्या कर्जावर बॅक दरवर्षी व्याज घेते परंतु संस्थेला लागु असलेल्या नियमात ते पाच वर्षांनी दामदुप्पट झाले की, त्या पुढे व्याज आकारणी बंद होते म्हणजेच ते सभासद बँकेचे नसुन संस्थेचे सभासद आहेत. हे यावरुन स्पष्ट होते. कर्ज वाटप त्रिस्तरीय यंत्रणेमार्फत होते राज्य सहकारी बँक यांचेकडुन जिल्हा मध्यवर्ती बॅक आणि जिल्हा मध्यवर्ती बँकेकडुन विविध कार्यकारी सह संस्था यात शेतकरी सभासदांचा बँकेशी कोणत्याही प्रकारे थेट संबध येत नाही. ही प्रोसेसिंग फी कोणत्या नियमानुसार शेतकरी सभासदांकडुन प्रत्यक्षपणे आकारण्यात येत आहे. त्याचा खुलासा करण्यात यावा व प्रोसेसिंग फी शेतकरी सभासदांकडून आकारणी करणे बंद करण्यात यावे.
