भुसावळ ( प्रतिनिधी ) – जुगार अड्डयावर धाड टाकणार्या पोलिसांना धक्काबुक्की करणार्या कुर्हे पानाचे येथील सरपंचासह चौघांना पोलीस कोठडी सुनावण्यात आली आहे.
भुसावळ तालुका पोलिसांनी कुर्हे पानाचे येथील जुगार अड्ड्यावर छापा टाकून १६ जुगारी पकडले होते. यावेळी सरपंच जीवन पाटील, प्रमोद भोई, ईश्वर भोई व सुभाष पाटील यांनी पोलिसांना मारहाण करून दोन संशयितांना पळवून लावले होते. सरपंच जीवन पाटील यांनी पोलिसांना धक्काबुक्की देखील केली होती. ही घटना मंगळवारी सायंकाळी घडली होती.
दरम्यान, चौघांना अटक झाली होती. या संशयितांना बुधवारी भुसावळ न्यायालयात हजर केल्यावर दोन दिवसांची पोलिस कोठडी सुनावण्यात आलेली आहे.
