पाचोरा ( प्रतिनिधी ) – तालुक्यातील म्हसास येथे २९ वर्षीय युवकाने व्हॉट्सअपवर स्टेटस ठेवत नैराश्यातून विहिरीत उडी घेत आत्महत्या केली पाचोरा पोलिसात अकस्मात मृत्यूची नोंद करुन गुन्हा पिंपळगाव (हरेश्र्वर) पोलिस स्टेशनला वर्ग करण्यात आला.
म्हसास येथील रहिवाशी कैलास आनंदा पाटील या अविवाहित युवकाने काल दुपारी गावातील विहिरीत उडी घेत आत्महत्या केली.दरम्यान, कैलास पाटील याने आत्महत्या करण्यापूर्वी काहीवेळ आधी आत्महत्येबाबत व्हॉट्सअपवर स्टेटस ठेवले होते. ते नातेवाईक व मित्रांनी बघताच सर्वत्र कैलास पाटील याचा शोध घेतला असता त्याचे काका यांना शेतातील विहीरीत कैलास पाटील याचा मृतदेह तरंगत्या अवस्थेत आढळून आला. ग्रामस्थांच्या मदतीने कैलास पाटील याचा मृतदेह बाहेर काढुन पाचोरा ग्रामीण रुग्णालयात दाखल केला. शवविच्छेदन ग्रामीण रुग्णालयाचे वैद्यकीय अधिकारी डॉ. अमित साळुंखे यांनी केले. कैलास पाटील याचे पश्चात वृद्ध आई, वडील, दोन भाऊ असा परिवार आहे. मनमिळाऊ स्वभाव असलेल्या कैलास पाटील याच्या अकस्मात मृत्यूने म्हसास गावासह परिसरावर शोककळा पसरली आहे.
