जळगाव ( प्रतिनिधी ) – शहरातील रायसोनी नगरात एलआयसी कार्यालयातील शाखा प्रबंधकाचे बंद घर फोडून दागिन्यासह १ लाख ५२ हजाराचा मुद्देमाल चोरीला गेला आहे. रामानंदनगर पोलीस ठाण्यात गुन्हा दाखल करण्यात आला आहे.
प्रकाश भिमराव बांगर (वय-५३ ) हे , जे.के. इंग्लिश मेडीयम, रायसोनी नगर येथे कुटुंबियांसह वास्तव्याला आहे. भास्कर मार्केटमधील एलआयसी कार्यालयात वरीष्ठ शाखा प्रबंधक आहेत. १४ एप्रिलरोजी दुपारी ते पत्नी, मुलगा व सुन यांच्यासह नागपूरला गेले. २४ एप्रिलरोजी रात्री ते जळगावातील रायसोनी नगरातील घरी परतले असता त्यांच्या दरवाजाचे कुलूप तुटलेले दिसून आले. त्यांनी घरात पाहणी केली सामान अस्ताव्यस्त दिसून आले . अज्ञात चोरट्यांनी बंद घर फोडून दागिने ( १ लाख ५२ हजार ५०० रूपये ) चोरून नेल्याचे उघडकीला आले. २५ एप्रिलरोजी रामानंदनगर पोलीसात त्यांनी चोरी झाल्याची माहिती दिली. त्यांच्या तक्रारीवरून रामानंदनगर पोलीस ठाण्यात अज्ञात चोरट्यांविरोधात गुन्हा दाखल करण्यात आला पुढील तपास पो उ नि शांताराम पाटील करीत आहेत .
