जळगाव ( प्रतिनिधी ) – आईसक्रीम लवकर मागण्याच्या वादातून विक्रेत्याने ग्राहकाला बेदम मारहाण केल्याची घटना अजिंठा चौकात घडली एमआयडीसी पोलीसात तीन जणांविरोधात गुन्हा दाखल करण्यात आला.
गणेश भगवान लोहार (वय-२४ , रा. राका चौक, एमआयडीसी ) हा २२ एप्रिल रोजी अजिंठा चौकात आईसक्रीम घेण्यासाठी गेला होता. आईसक्रीम दुकानावरील शिवा पुरभीया याला लवकर आईसक्रीम दे असे सांगितल्याचा राग आल्याने शिवा पुरभीया, गोविंद पुरभीया आणि रामुलाल पुरभीया ( सर्व रा. अजिंठा चौफुली ) यांनी लाकडी दांडा व फायटरने गणेशला मारहाण केली. २४ एप्रिल रोजी संशयित आरोपी शिवा पुरभिया, गोविंद पुरभीया आणि रामलाल पुरभीया या तिघांविरोधात गुन्हा दाखल करण्यात आला आहे. पुढील तपास पोहेकॉ विजय पाटील करीत आहेत.
