जळगाव ( प्रतिनिधी ) – अज्ञात वाहनाच्या धडकेत हरीविठ्ठल नगरातील ५५ वर्षीय व्यक्तीचा जागीच मृत्यू झाल्याची घटना एमआयडीसी परिसरात घडली.
रघुनाथ जयराम चव्हाण (वय-५५ , रा. हरीविठ्ठल नगर ) असे मयत व्यक्तीचे नाव आहे.रघुनाथ चव्हाण पत्नी मिनाक्षी, मुलगा कुणाल यांच्यासह हरी विठ्ठल नगरात वास्तव्याला आहे. एमआयडीसीतील खासगी कंपनीत नोकरीला आहे. शुक्रवारी रघुनाथ चव्हाण दुपारी एमआयडीसी कंपनीतील काम आटोपून घराकडे निघाले होते. घरी येत असतांना अज्ञात वाहनाने त्यांना धडक दिली. या अपघातात त्याचा मृत्यू झाला. एका खासगी रिक्षाचालकाने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. रामानंद नगर पोलीस ठाण्यात अकस्मात मृत्यूची नोंद करण्यात आली आहे. प्राथमिक तपास पोलीस नाईक सुर्यवंशी करीत आहेत.
