जळगाव ( प्रतिनिधी ) – बऱ्हाणपूर येथून जळगावकडे दुचाकीने येताना अज्ञात वाहनाने मोटारसायकलला धडक दिल्याने झालेल्या अपघातात दोघ मोटारसायकलस्वार तरुणांचा जागीच मृत्यू झाला शनिवारी सायंकाळी शहरातील दूरदर्शन टॉवरजवळ हा अपघात घडला
परवेर निसार खाटीक (वय-२२, रा. लक्ष्मीनगर) व आमिर जाकीर खाटीक (वय- २३, रा. उस्मानिया पार्क) अशी या मृतांची नावे आहेत. परवेजचे गेल्या महिन्यात लग्न झाले तो बर्हाणपुर येथे पत्नीला भेटण्यासाठी गेला होता. दुर्दवाने पत्नीची ही त्याची शेवटची भेट ठरली.
लक्ष्मीनगर परिसरातील परवेज खाटीक व आमिर खाटीक हे आतेभाऊ मामेभाऊ आहेत. परवेजचे गेल्या महिन्यात लग्न झाले तो शनिवारी आमिरसोबत बर्हाणपुर येथे पत्नीला भेटण्यासाठी गेला होता. जळगावला येत असतांना त्याच्या (एमएच १९ सीएच ६०५९) क्रमांकाच्या मोटारसायकलला अज्ञात वाहनाने धडक दिली. अपघातात परवेज याच्या डोक्याला गंभीर दुखापत झाल्याने त्याचा जागीच मृत्यू झाला. त्याच्या पश्चात आई, वडील व भाऊ इकबाल व इम्रान असा परिवार आहे.
या अपघातात आमिरच्या पोटातील आतडे बाहेर येवून तो गंभीर जखमी झाला होता. नागरिकांनी त्यांना रुग्णवाहिकेतुन शासकीय वैद्यकीय महाविद्यालय रुग्णालयात दाखल केले. उपचार सुरु असतांना त्याचा मृत्यू झाला त्याच्या पश्चात वडील जाकीर, आई निलोफर, भाऊ अमान व अबुराज असा परिवार आहे.
माहिती मिळताच दोघांच्या कुटुंबियांसह नातेवाईकांनी रुग्णालयात धाव घेतली. आमिर परवेजच्या आत्याचा मुलगा आहे. एकाचवेळी अपघातात आतेभाऊ मामेभाऊंचा मृत्यू झाल्याने कुटुंबीयांचा रुग्णालयातील आक्रोश मन हेलावणारा होता एमआयडीसी पोलिसांत अपघाताचा गुन्हा दाखल करण्यात आला आहे.
या महामार्गावर अपघात नित्याचे झाले असून अरुंद रस्त्यांचा प्रश्न सोडवण्याची अपेक्षा होत आहे. आमीरचे ममुराबाद रस्त्यावर ऑटो पार्टसचे दुकान व गॅरेज आहे. परवेज भाजीपाला विक्री करतो. या अपघातामुळे महामार्गावर वाहतूक कोंडी झाली होती. 20 मिनिटे दोघेजण रक्तबंबाळ अवस्थेत महामार्गावर पडून होते.
