जळगाव (प्रतिनिधी) – शहरातील समता नगर परिसरात असणार्‍या तरूणावर चाकूने हल्ला केल्याने त्याचा मृत्यू झाल्याची घटना घडली आहे. यामुळे परिसरात खळबळ उडाली आहे.
याबाबत सविस्तर माहिती अशी की, जळगाव शहरातील समता नगर भागातील डॉ. बाबासाहेब आंबेडकर यांच्या पुतळ्याजवळ सागर नरेंद्र पवार ( वय २८) हा तरूण एकटा राहत होता.काल रात्री उशीरा त्याच्यावर एकाने चाकूहल्ला केल्याने यात तो गंभीर जखमी झाला. यावेळी नागरिकांनी किंचाळ्या ऐकल्याने घटनास्थळी मोठी गर्दी केली. परिसरातील नागरिकांनी त्याला तातडीने रूग्णालयात हलविले. येथे उपचार सुरू असतांना आज सकाळी पाच वाजता त्याची प्राण ज्योत मावळली. रामानंदनगर पोलिसांनी घटनास्थळी धाव घेऊन तपासाची चक्रे फिरवली आहे. यात एक आरोपी निष्पन्न झाल्याची माहिती समोर येत आहे.
