पहूर, ता . जामनेर( प्रतिनिधी ) – आपले विचार हेच आपल्या यशाचे शिल्पकार असतात , विचारांचा प्रभाव मनावर पडत असल्याने त्यातूनच मनुष्याचे जीवन घडत असते. शालेय जीवनातच ध्येय निश्चित करून विचारांना योग्य दिशा द्या , असे आवाहन जिल्हा शिक्षण व प्रशिक्षण संस्थेचे प्राचार्य डॉ . अनिल झोपे यांनी केले .महात्मा फुले शिक्षण संस्था संचालित सावित्रीबाई फुले माध्यमिक विद्यालयात आयोजित दहावीच्या शुभेच्छा समारंभाप्रसंगी ते बोलत होते .
प्रारंभी प्राचार्य डॉ . अनिल झोपे यांच्या हस्ते दीप प्रज्वलनाने सोहळ्याचे उद्घाटन करण्यात आले . कार्यक्रमाचे अध्यक्षस्थान महात्मा फुले शिक्षण संस्थेचे अध्यक्ष बाबुराव घोंगडे यांनी भूषविले .
जिल्हा शिक्षण व प्रशिक्षण संस्थेचे ज्येष्ठ अधिव्याख्याता डॉ . सी . डी . साळुंखे यांनीही मार्गदर्शन केले . प्रास्ताविक मुख्याध्यापिका व्ही . व्ही . घोंगडे यांनी केले . उपमुख्याध्यापिका कल्पना बनकर यांच्या मार्गदर्शनातून रूपाली सोनवणे या विद्यार्थिनीने साकारलेल्या ‘काव्यधारा ‘ या हस्तलिखित काव्यसंग्रहाचे मान्यवरांच्या हस्ते प्रकाशन करण्यात आले .
या प्रसंगी गटशिक्षणाधिकारी विजय सरोदे , अॅड . एस . आर . पाटील , केंद्र संचालक आर . बी . पाटील , वर्ग शिक्षक हरीभाऊ राऊत यांनी मार्गदर्शन केले . अमृता सोनवणे आणि भरत चव्हाण या विद्यार्थ्यांनी शाळा आणि शिक्षकांप्रती कृतज्ञ भावना व्यक्त केल्या .पोलीस उपनिरीक्षकपदी निवड झालेल्या प्रियंका चव्हाण यांचा संस्थेतर्फे गौरव करण्यात आला . भारत स्काऊट प्रशिक्षण यशस्वीरीत्या पूर्ण केल्याबद्दल शिक्षक चंदेश सागर यांना सन्मानित करण्यात आले संचालक रामचंद्र वानखेडे , ज्ञानेश्वर लहासे , युसूफ बाबा , आर .बी .आर कन्या विद्यालयाचे मुख्याध्यापक सुधीर महाजन , मिल्लत उर्दू हायस्कूलचे मुख्याध्यापक झेड . एम . पटेल , डॉ . हेडगेवार प्राथमिक विद्यालयाचे मुख्याध्यापक अजय देशमुख , गणेश राऊत , कीर्ती घोंगडे , सुषमा चव्हाण , पत्रकार गणेश पांढरे आदीची उपस्थिती होती विद्यार्थ्यांनी शिक्षकांना भेटवस्तू देऊन सन्मानित केले .
सूत्रसंचालन सांस्कृतिक प्रतिनिधी शंकर भामेरे यांनी केले . बी . एन . जाधव यांनी आभार मानले .
