जळगाव ( प्रतिनिधी ) – शहरातील १६ वर्षीय मुलीवर अत्याचार करणाऱ्या आरोपीने मुलीचे फोटो सोशल मीडियावर व्हायरल करण्याची आणि वडीलांना जीवे ठार मारण्याची धमकी दिली. एमआयडीसी पोलीसात गुन्हा दाखल करण्यात आला आहे.
जळगाव शहरातील सोळा वर्षीय मुलगी कुटुंबीयांसह वास्तव्याला आहे. डिसेंबर २०२० मध्ये मार्केटमध्ये कपडे खरेदी करण्यासाठी अल्पवयीन मुलगी गेली होती. त्याठिकाणी दीपक सोनवणे (पुर्ण नाव गाव माहित नाही) या मुलाशी ओळख झाली. त्यानंतर मुलीला काहीनाकाही कारण सांगून फुले मार्केटमध्ये बोलावून तिच्यावर बळजबरी अत्याचार केल्याचा धक्कादायक प्रकार समोर आला. ही घटना घरी कोणालाही सांगितल्यास तुझ्या आईवडिलांना मारून टाकेल अशी तरूणाने दिली.मुलीच्या काकाच्या राहत्या घरीदेखील तिच्यावर अत्याचार केला आणि “तू मला भेटण्यासाठी आले नाही तर मी तुझे फोटो व्हायरल करेल आणि तुझ्या वडिलांना मारून टाकेल” अशी धमकी दिली. पीडित मुलीने एमआयडीसी पोलीस ठाण्यात तक्रार दिली आहे. तिच्या तक्रारीवरून संशयित आरोपी दीपक सोनवणे (पूर्ण नाव गाव माहीत नाही) याच्यावर एमआयडीसी पोलीस ठाण्यात गुन्हा दाखल करण्यात आला. असून पुढील तपास सहायक पोलिस निरीक्षक प्रमोद कठोरे करीत आहे.
