मुंबई (वृत्तसंस्था) – रायगड जिल्ह्यातील खालापूर येथे सुमारे 35 एकर जागेत जागेत, मुंबई आणि पुण्यापासून अगदी दोनच तासांच्या अंतरावर मॉंटेरिया व्हिलेज नव्याने सुरू करण्यात आले आहे.
या व्हिलेजमध्ये एक दिवस राहून तेथील कला, लोककला सादरीकरण तसेच अन्य पर्यायांसोबत समृद्ध संस्कृतीची मजा घ्या एक दिवस शेतकऱ्याचे जीवन जगून व्यापक अनुभव घ्या निसर्गासोबत नाळ जोडा आणि मुळांशी नाते दृढ करा.
हा ब्रँड सर्वच वयोगटातील पाहुण्यांसाठी दिवसभर नवीन-डे-आऊटींग डेस्टीनेशन ठरतो आहे. एका गावात येणारे सगळेच अनुभव इथे येऊन घेता येतात. पाण्यात डुंबण्याकरिता तलाव, डोळे मिटून पडून राहण्यासाठी टांगण्यात आलेला झूला, लोकसंगीताचा आनंद देणारे सादरीकरण, आरोग्यदायी देशी आहार, मन रमवणाऱ्या बांबू आणि खाट विणकाम कलांची अनुभूती किंवा नेम धरायला लावणारा लगोरीचा खेळ अशी गंमत इथे अनुभवायला मिळणार आहे.
आठवड्याच्या धकाधकीतून क्षणभर वेळ काढून शहरालगत विकएंडची धमाल करण्यासाठी हा चांगला पर्याय आहे. इथे येऊन ग्राम संस्कृतीचा आनंद कला, संस्कृतीच्या माध्यमातून घेत, शेतातील पारंपरिक कामासोबत निसर्गाच्या संगतीत राहायला मिळते.
मॉंटेरिया रिसॉर्ट प्रायव्हेट लिमिटेडच्या व्यवस्थापक संचालिका राही वाघाणी म्हणाल्या की, “मॉंटेरिया व्हिलेजमध्ये प्रवेश करताच पाहुणे गावच्या आठवणीत रममाण होतात. दिवसभर शेतकऱ्याचे जीवन जगण्याची संधी त्यांना मिळते, घरगुती जेवणाची लज्जत चाखता येते. कौशल्यपूर्ण कारागीर आणि कामगारांच्या हाताखाली सर्जनशीलता जपण्याचा अनुभवही घेता येईल. शहराच्या वेगातून ‘फुरसत’ मिळवून दोन क्षणाचा मनमुराद आनंद घेण्यासाठी, आपल्या जीवलगांसोबत एकत्र क्वालिटी टाईम व्यतित करण्यासाठी हा उत्तम पर्याय ठरतो.”
याठिकाणी सुतार, फर्निचर घडवणारे, शिंपी, कुंभार, धातू तसेच दगडी काम करणारे कारागिर, बांबू आणि खाट विणकाम करणारे, लोहार, कातडी कमावणारे आणि सोनारांसोबत काम करता येईल. स्वत: कामाचा अनुभव घेऊन इथे तयार करण्यात आलेली कलाकृती सोबत नेता येणार आहे. न्हाव्याकडून केसांचा छानसा हेअर कट करता येईल, चंपी, मसाज करून घेता येईल. महिला गृहउद्योगाद्वारे विक्रेत्यांनी तयार केलेल्या चविष्ट आणि लज्जतदार पापड, लोणची तसेच श्रीखंडाचा आनंद घेता येणार आहे.
मॉंटेरिया व्हिलेजचा कृषी भविष्यावर विश्वास आहे आणि त्यांनी शेतीच्या जुन्या पद्धतींसोबत हायड्रोपॉनिक्ससारख्या आधुनिक तंत्राचा अवलंबही केला आहे. पारंपरिक ग्राम तंत्रात बायोगॅस, गांडूळखत निर्मिती, शेण्या थापणे, गोमूत्र गोळा करणे तसेच ग्रीनहाऊसमध्ये फुलांची शेतीचा समावेश आहे. पर्यटकांना सर्वसमावेशक पद्धतीच्या धन्वंतरी गार्डनसारख्या शेतीविषयक अभ्यासक्रमाला प्रवेश घेता येईल किंवा शेतातील ताज्या उत्पादनाचा गंध अनुभवण्यासाठी फेरफटका मारता येणार आहे.
इथल्या मोकळ्या हवेत भटकंती करताना भूकेची जाणीव झाल्यास स्थानिक ठेल्यांवर चवदार पाणी पुरी, तोंडाला पाणी आणणारे चपटे चणे आणि चटकदार चाटप्रकार चाखता येतील. बर्फाचा गोळा आणि मडक्यातील दही मौज गारेगार करतील. तहान भागवण्यासाठी नारळपाणी, बडीशोप पाणी, कोकम सरबत, गोटी/मार्बल सोडा, ताक किंवा कटींग चहा/कॉफीचा पर्यायही असेल.
रेस्टॉरंट साबराजमध्ये घरगुती चवीचे शाकाहारी आणि मांसाहारी जेवण घेता येईल. त्यासाठी शेतात पिकवलेल्या भाज्या किंवा मांस, गहू-बाजरी/ज्वारी आणि तांदळाच्या पोळ्या/भाकऱ्या, डाळ-भात, कढी-भात व पारंपरिक गोड पदार्थ ताटात वाढले जातील.
येथील नक्षत्र बाग डोळ्यांना भुलवणारी आहे. अवकाशातील 12 नक्षत्रे किंवा राशी चिन्हांवर आधारलेली आहे. इथे प्रत्येक पाहुण्यांना निसर्गातील सकारात्मक स्पंदने अनुभवता येतील.
दीर्घ प्रवासाच्या आठवणीत नेणारी ग्रीन ट्रेन, स्विंग सर्कल आणि जायंट हारनेसची धमाल पोटात फुलपाखरं उडत असल्याचा भास निर्माण करतील, बुलेट चकडोची रपेट मन प्रफुल्लित करेल. इथे फिरत असताना गुंफेतून भटकंती करता येईल. बांबूच्या मचाणावर शांतीचा आनंद मिळेल. इथे लक्ष्मण झुल्याची प्रतिकृती देखील पाहता येईल.
संध्याकाळच्या रम्य वातावरणासाठी इथे आनंद मेळ्याचा आनंद घेता येईल. लोकसंस्कृतीचे दर्शन सोबतच मनोरंजन करणारे क्रियाकलाप दिवस साजरा करतील. येथील अँफी थिएटरमध्ये लोककलेचे सादरीकरण होते, ज्यामध्ये लोकसंगीतासोबत, नृत्य आणि रंगमंचीय कलांचा आनंद घेता येईल. हा सामाजिक संवादाचा, घरच्या मायेची ऊब देणारा सोहळा आहे.
मॉंटेरिया व्हिलेजमध्ये प्रत्येकासाठी काहीतरी आहे. खुल्या वातावरणात मुलांसाठी झोपाळे, फिरण्याचे ट्रॅक आणि ज्येष्ठ नागरिकांना गुंतवून ठेवणारे, आरामदायक पर्याय आहेत. हे ठिकाण कॉर्पोरेट पार्टी, चर्चासत्रे आणि ऑफ-साईट भटकंतीकरिता योग्य आहे. इथे व्यक्तिगत वेळेची सुसूत्र आखणी टीम-बिल्डिंगला प्रोत्साहन मिळते. या ऑफबीट ठिकाणी जोडप्यांना परस्पर नाते दृढ करण्याची संधी मिळते. खुल्या वातावरणात पारंपरिक आहार उपलब्ध असून एकावेळी 1500 पर्यटक लाभ घेऊ शकतात.
सध्याचा महासाथीचा काळ लक्षात घेता, याठिकाणी स्वच्छता विषयक सर्व खबरदारी घेण्यात आलेली असून पाहुण्यांच्या सुरक्षेची हमी राहते. येथील सर्व कर्मचारी वर्गाने लशीचे दोन्ही डोस घेतले आहेत. पर्यटकांना प्रवेश घेताना, बुकिंग दरम्यान लसीकरण प्रमाणपत्रे सादर करावे लागेल. सर्वच थांब्यांवर हात निर्जंतुक करण्याची सुविधा आहे.
मॉंटेरिया व्हिलेजमध्ये सर्व-समावेशक पॅकेजची सुविधा असून त्यात सकळचा नाश्ता, दुपारचे जेवण, चहा आणि मॉंटेरिया व्हिलेज अनुभवाची सुविधा आहे. प्रती दिवस माणसी खर्च रु 999 (मूल), रु 1499 (ज्येष्ठ नागरीक) आणि रु 1699 (प्रौढ) याप्रमाणे दर आहेत. नोंदणीची माहिती: www.monteriavillage.com वर मिळेल मॉंटेरिया व्हिलेज हे पर्यटकांना अभूतपूर्व अनुभव देण्यासाठी निर्माण करण्यात आलेले आदर्श ग्राम जीवनावर आधारलेले ठिकाण आहे.
