एक जण जखमी ; घटनास्थळी पोलीस बंदोबस्त तैनात
जळगाव (प्रतिनिधी) – येथील शिवाजीनगर हुडको भागामध्ये दोन गटामध्ये कीरकोळ कारणावरून शाब्दिक वाद वाढून गुरुवारी रात्री ११ ते ११:१५ वाजेच्या सुमारास हाणामारी तसेच दगडफेक झाली. त्यामुळे तणावाचे वातावरण निर्माण झाले होते. पोलिसांची ३ ते ४ वाहने घटनास्थळी पोचली आहे.आता यावेळी शांतता आहे. या हाणामारीत एक जण जखमी झाल्याची माहिती मिळाली आहे.
जळगाव शहरातील शिवाजीनगर हुडको मध्ये लहान मुलांच्या कीरकोळ कारणावरून दोन गटात वाद निर्माण झाला. यावादाचे स्वरूप हाणामारी व दगडफेक मध्ये झाले. यात एक जण जखमी झाले असुन त्याला उपचारासाठी शासकीय वैद्यकीय रुग्णालयात उपचारासाठी दाखल करण्यात आले आहे. सदर हा नेमक वाद कशामुळे झाला याबाबत समजू शकले नाही. आता याठिकाणी पोलीसांचा मोठा बंदोबस्त तैनात करण्यात आला आहे. घटना नेमकी कशामुळे घडली याबाबत जळगाव शहर पोलीस स्टेशनचे पोलिस घेण्याचे काम करत आहे.
घटनास्थळी पो.नि. बळीराम हिरे,उप पोलीस अधीक्षक कुमार चिंथा,अप्पर पोलीस अधीक्षक चंद्रकांत गवळी उपस्थित झाले आहे.
