मुंबई (वृत्तसंस्था) – बिहारमधील लखीसराय जिल्ह्यात आज पहाटे झालेल्या एका भीषण रस्ते अपघातात सहा जणांना आपला जीव गमवावा लागला. तर चार जण गंभीर जखमी आहेत.
मृत्युमुखी पडलेले पाच लोक हे अभिनेता सुशांत सिंग राजपूतचे नातेवाईक असल्याचे सांगण्यात येत आहे. या अपघातात कार चालकाचाही मृत्यू झाला आहे.
मिळालेल्या माहितीनुसार, अपघातात मृत्यू झालेल्या पैकी एक सुशांतचा मेहुणा हरियाणामध्ये एडीजीपी म्हणून कर्यरत आहे. मृतांमध्ये सुशांतच्या दोन बहिणी आणि अन्य दोन नातेवाईकांचाही समावेश आहे.
शेखपुरा-सिकंदरा मार्गावर हलसी पोलीस स्टेशन हद्दीतील पिपरा गावात मंगळवारी सकाळी 6.10 वाजता हा अपघात झाला. यामध्ये सहा जणांचा जागीच मृत्यू झाला तर चार जण गंभीर जखमी झाले. ट्रक आणि टाटा सुमो यांच्यात झालेल्या धडकेत सुमो स्वाराचा जागीच मृत्यू झाला. मृतांना शवविच्छेदनासाठी लखीसराय सदर रुग्णालयात पाठवण्यात आले आहे. जखमींची गंभीर प्रकृती पाहता पाटणाला रेफर करण्यात आले आहे.
मिळालेल्या माहितीनुसार, जमुई जिल्ह्यातील खैरा पोलीस स्टेशन हद्दीतील सक्दहा भंडारा येथील लोक मंगळवारी सकाळी पाटण्याहून परतत होते. अपघातात मृत्युमुखी पडलेल्या लालजीत सिंग यांच्या पत्नीच्या अंत्यसंस्कारासाठी हे सर्वजण पाटण्याला गेले होते. तेथून दोन वाहनांतून कुटुंबातील एकूण 15 जण परतत होते. त्यातील एक टाटा सुमोचा अपघात झाला. सिकंदरा-शेखपूर मुख्य रस्त्यावर असलेल्या पिपरा गावात येताच एलपीजी सिलिंडरने भरलेल्या ट्रकला टाटा सुमोची समोरासमोर धडक झाली. ट्रक पाटण्याकडे जात असताना टाटा सुमोमधील प्रवासी जमुई खैरा येथे परतत होते.
अपघातात मृत्युमुखी पडलेल्यांमध्ये लालजीत सिंग, भागिना नेमानी सिंग उर्फ अमित शंकर, रामचंद्र सिंग, भागिना देवी देवी, अनिता देवी आणि चालक चेतन कुमार यांचा समावेश आहे.
चालक खैरा पोलीस ठाण्याच्या हद्दीतील सोनपे असल्याची माहिती आहे. त्याचबरोबर बाल्मिकी सिंह आणि प्रसाद कुमार यांची प्रकृती चिंताजनक असल्याचे सांगण्यात येत असून, त्यांना सिकंदरा येथे प्राथमिक उपचारानंतर विशेष उपचारासाठी पाटणा येथे पाठवण्यात आले आहे.
