जळगाव (प्रतिनिधी ) – कोरोनाच्या पार्श्वभूमीवर आरोग्य व वैद्यकीय क्षेत्रामध्ये साथीच्या रोगाच्या उध्दभवलेल्या परिस्थितीत कुशल मनुष्यबळ उपलब्ध व्हावे. मनुष्यबळाचा तुटवडा दूर व्हावा याकरिता इच्छुक युवक-युवतींना या क्षेत्रामध्ये कौशल्य विकास प्रशिक्षण देऊन रोजगाराच्या संधी देण्यासाठी प्रधानमंत्री कौशल्य विकास योजना राबविण्यास मान्यता देण्यात आली आहे.
या योजनेअंतर्गत जिल्ह्यातील 18 ते 45 वयोगटातील 450 बेरोजगारांना शासकीय वैद्यकीय महाविद्यालय, शासकीय उपजिल्हा रुग्णालय, ग्रामीण रुग्णालय येथे विनामूल्य प्रशिक्षण देण्यात येणार आहे. हे प्रशिक्षण ऑन जॉब ट्रेनिंग स्वरुपाचे असेल, प्रशिक्षणानंतर प्रशिक्षित उमेदवारांना शासनातर्फे प्रमाणपत्र प्राप्त देण्यात येईल त्यांना आरोग्य क्षेत्रात रोजगाराच्या संधी उपलब्ध होणार आहेत. या प्रशिक्षणासाठी इच्छुक उमेदवारांनी गुगल लिंक वर नोंदणी ऑनलाईन करावी. नोंदणी करताना नमूद शैक्षणिक पात्रतेनुसार कोर्स किंवा जॉब रोल निवडावा. अधिक माहितीसाठी दूरध्वनी क्र. 0257-2959790 वर संपर्क साधावा. असे कौशल्य विकास, रोजगार व उद्योजकता सहाय्यक आयुक्त वि. जा. मुकणे यांनी कळविले आहे.
