जळगाव (प्रतिनिधी) – यावल तालुक्यातील दहीवद येथील व्यापाऱ्याला गॅसची डिलरशीप देण्याचे आमिष दाखवून १० लाख ३० हजाराची ऑनलाईन फसवणूक करणारे दोघांना सायबर पोलीसांनी अटक केली आहे.
याबाबत माहिती अशी की, यावल तालुक्यातील दहीगाव येथील रहिवाशी कालीदास विलास सुर्यवंशी वय-३३ रा. दहीगाव ता. यावल जि.जळगाव हे आपल्या कुटुंबियांसह राहतात. १८ डिसेंबर २०२० ते ३० डिसेंबर २०२० दरम्यान एका अनोळखी नंबरवरून फोन येवून आशितोष कुमार असे बनावट नाव सांगून उज्जवला गॅस एजन्सीची डिलरशिप देते असे सांगून बनावट कागदपत्रे खरे भासविले. तसेच उज्जवला गॅस एजन्सी नावाचे बनावट ऑनलाईन पोर्टल बनविले होते. त्यांनी वेगवेगळे कारणे सांगून कालीदास सुर्यवंशी यांच्या खात्यातून एकुण १० लाख ३३ हजार रूपये लंपास गेल्याचे समोर आले होते. याप्रकरणी कालीदास सुर्यवंशी यांच्या फिर्यादीवरून सायबर पोलीस ठाण्यात अज्ञात व्यक्तीविरोधात गुन्हा दाखल करण्यात आला होता. या गुन्ह्याचा शोध लावून सायबर पोलीस ठाण्यात पोलीस निरीक्षक बळीराम हिरे यांच्या पथकाने संशयित आरोपी सुनिल कुमार सहानी पिता ब्रम्हदेव उर्फ अनिल कुमार वय-३८ रा. गुनाबस्ती पोस्ट तेजपूर जिल्हा समस्तीपुर (बिहार), कन्हैय्या सहानी पिता राजेंदर सहानी वय-४३ रा. बेलीया घाट मेन रोड कलकत्ता यांना अटक केली आहे. आज त्यांना कोर्टात हजर करण्यात येणार आहे.
