पाचोरा :- पाचोरा नगरपरिषदेने शहराच्या विकासाला गती देण्याकरीता सन.२०२१-२०२२ या वर्षासाठी लोकाभिमुख अर्थसंकल्पीय अंदाजपत्रक सादर करण्या करीता ऑनलाईन सभा घेण्यात आली.
पाचोरा नगरपरिषदेच्या महसुली जमा व भांडवली- खर्च व भांडवली खर्च एकत्रित रक्कम रूपये २०४ कोटीचा अर्थसंकल्पीय अंदाजपत्रासह रक्कम रूपये ६ कोटी ८० लक्ष मात्र शिलकी अंदाजपत्रकास आज दि. २६ रोजी झालेल्या ऑनलाईन सर्वसाधारण सभेत मंजुरी देण्यात आली. अंदाज पत्रकातील जमा खर्च बाबतच्या मुख्य तरतुदी नगरपरिषद निधी व इतर निधीतून अंदाजपत्रकात उल्लेखनीय तरतुद करण्यात आल्या. त्यात पाऊस पाणी निचरा, गटारी बांधकाम करणे रु.२० कोटी.नविन रस्ता १५ कोटी रस्ते दुरुस्ती १.५ कोटी जमीन संपादन ५ कोटी नगरोत्थान योजना ५ कोटी दलित वस्ती योजनेअंतर्गत कामे ५ कोटी दलितेतर वस्ती योजनेअंतर्गत कामे ३ कोटी विशेष रस्ता निधी १० कोटी न.पा.इमारत बांधकाम ३.५ कोटी दलितेतर वस्ती निधी २.५ कोटी अल्पसंख्यांक निधी ४० लक्ष दिव्यांग कल्याण निधी २५ लक्ष कोवीड- १९ उपाययोजना (आरोग्य) ४५ लक्ष महिला व बालकल्याण २० लक्ष उपरोक्त महसुली जमा व भांडवली जमा तसेच महसुली खर्च व भांडवली खर्च एकत्रित रक्कम रूपये २०४ कोटीचे रक्कम रूपये ६ कोटी ८० लक्ष . शिलकेचे अर्थसंकल्पीय अंदाजपत्रकास न.पा.सर्वसाधारण सभेद्वारा मान्यता देण्यांत आली. सदरचे अंदाजपत्रक मुख्याधिकारी शोभा बाविस्कर यांचे मार्गदर्शनाखाली लेखापाल दत्तात्रय जाधव, अंतर्गत लेखापरिक्षक नितीन लोखंडे, वरिष्ठ लिपीक, सुधीर पाटील यांनी सादर केले. या वेळी ऑनलाईन सभेस नगराध्यक्ष संजय गोहील, उपनगराध्यक्षा प्रियंका वाल्मिक पाटील व सदस्य ऑनलाईन उपस्थित होते.
