जळगाव ;- भारत गॅस एजन्सीची डिलरशीप देतो असे सांगून ९ लाख ५० हजार रूपयांची ऑनलाईन फसवणूक केल्याप्रकरणी एकावर सायबर पोलीस ठाण्यात गुन्हा दाखल करण्यात आला आहे.
दिलीप हरसिंग राठोड (वय-४८) रा. जळगाव असे फसवणूक झालेल्या व्यक्तीचे नाव आहे. ३० डिसेंबर २०२० ते १४ जानेवारी २०२१ दरम्यान अनोळखी व्यक्ती अशोक चक्रवर्ती आणि रवि कुमार असे बनावट नाव सांगणाऱ्या व्यक्तीनी राठोड यांना भारत गॅस एजन्सीची डिलरशिप देतो असे सांगून भारत सरकारची राजमुद्रा असलेले व राजमुद्रावर गव्हरमेंटर ऑफ इंडीयाचा शिक्का मारून बनावट कागदपत्रे तयार केली. आणि राठोड यांनी दिलेल्या माहितीनुसार बँक खात्यात ९ लाख ५० हजार रूपयांची रक्कम भरली. पैसे भरूनही भारत गॅस एजन्सीची डिलरशिप देण्यासाठी टाळाटाळ केली. आपली फसवणूक होत असल्याचे समजताच राठोड यांनी सायबर पोलीस ठाण्यात दोन जणांविरूध्द फसवणूकीचा गुन्हा दाखल करण्यात आला आहे. पुढील तपास पोलीस निरीक्षक बळीराम हिरे करीत आहे.
