यावल ;- विहीरीत पाण्याची पातळी पाहत असताना पाय घसरुन पडल्याने शेतकऱ्याचा विहिरीत बुडून मृत्यू झाल्याची घटना बुधवार रोजी सकाळी ६.३० वाजेच्या सुमारास दहीगाव ता. यावल येथे घडली. प्रेमचंद उर्फ गजानन रामदास महाजन (५६) असे या शेतकऱ्याचे नाव आहे.
. त्यांच्या पश्चात आई, पत्नी, दोन मुले, सुना नातवंडे असा परिवार आहे. या प्रकरणी महेंद्र दिनकर महाजन यांनी दिलेल्या फिर्यादीवरुन यावल पोलिसात अकस्मात मृत्यूची नोंद करण्यात आली आहे. तपास हेकॉ. सिकंदर तडवी, शेख असलम शेख करीत आहेत.
