जळगाव;- शहरात दुचाकी चोरीचे प्रमाण वाढले असून दररोज कुणाची तरी दुचाकी लंपास होत असल्याच्या घटना अलीकडे घडल्या असून आज गोलाणी व्यापारी संकुलातून एका व्यक्तीची दुचाकी अज्ञात चोरटयांनी लांबविल्याची घटना घडली असून याप्रकरणी शहर पोलीस स्टेशनला गुन्हा दाखल करण्यात आला आहे.
पिंप्राळा परिसरात राहणारे गोपाळ अशोक पोलभुणे (वय-४५) हे कामानिमित्त शहरातील गोलाणी येथे आले होते . मात्र त्यांनी सकाळी लावलेली दुचाकी सायंकाळी घ्यायला आले असता जागेवर आढळून न आल्याने त्यांनी दिलेल्या फिर्यादीवरून शहर पोलीस ठाण्यात अज्ञात चोरट्यांविरूध्द गुन्हा दाखल करण्यात आला आहे. तपास पोलीस नाईक दिपक सोनवणे करीत आहे.
