नवी दिल्ली(वृत्तसंस्था ) :- पंतप्रधान नरेंद्र मोदी यांनी कोरोना संकटातून सावरण्यासाठी संपूर्ण देशाला ‘आत्मनिर्भरता’ हा मंत्र दिला होता. आता ऑक्सफर्ड हिंदी शब्दकोषात आत्मनिर्भरता या शब्दाचा समावेश झाला. अनेकदा आत्मनिर्भरता या शब्दाचा पंतप्रधान मोदी तसेच कोट्यवधी भारतीयांनी वापर केला. भारतीयांशी संबंधित मनोरंजनाचे कार्यक्रम, माहितीपूर्ण कार्यक्रम, बातम्या अशा अनेक ठिकाणी आत्मनिर्भरता या शब्दाचा वापर वाढला.
आत्मनिर्भरता या शब्दाचा अल्पावधीत वापर प्रचंड मोठ्या प्रमाणावर सुरू झाला. आत्मनिर्भरता हा शब्द लोकप्रिय झाला. आत्मनिर्भरता या शब्दाचा राजकारण, समाजकारण, अर्थकारण अशा वेगवेगळ्या क्षेत्रात वापर वारंवार होऊ लागला. भारतात वेगवेगळ्या भाषांतील कार्यक्रम, माहितीपट, बातम्या यात आत्मनिर्भरता या शब्दाचा वापर वारंवार सुरू झाला. एका शब्दाचा वापर इंग्रजी, हिंदी, मराठीसह अनेक भाषांमधून मोठ्या प्रमाणावर आणि अल्पावधीत होऊ लागल्यामुळे त्याची दखल ऑक्सफर्ड डिक्शनरीसाठी नव्या शब्दांवर संशोधन करणाऱ्या संपादकीय मंडळाने घेतली.
