जळगाव (प्रतिनधी) – 30 ऑगस्ट 2020 रोजी मुंबई येथे मनुष्यबळ विकास लोक सेवा अकादमी राज्यस्तरीय गुणगौरव महासंमेलन 2020 या पुरस्कारासाठी ऑनलाइन पुरस्कार सोहळ्यामध्ये जळगाव जिल्ह्यातून अश्विनी प्रताप निकम महिला पोलीस कराटे प्रशिक्षक यांची निवड करण्यात आली होती व 30 सप्टेंबर 2020 रोजी त्यांना नारी शक्ती रत्न पुरस्काराने गौरवण्यात आले हा पुरस्कार ऑनलाइन जाहीर करण्यात आला होता परंतु covid-19 च्या प्रभावामुळे प्रत्यक्ष होणारा कार्यक्रम हा रद्द करण्यात आला व पुरस्कार पोस्टाद्वारे पुरस्कार त्यांना पाठवण्यात आले गेल्या दोन दिवसांपूर्वीच अश्विनी प्रताप निकम महिला पोलीस कराटे प्रशिक्षक यांना हा पुरस्कार प्राप्त झाला असून त्यांनी पोलीस अधीक्षक प्रवीण मुंडे यांच्या हस्ते हा पुरस्कार स्वीकारला.
यावेळी पोलीस प्रशासनामध्ये महाराष्ट्रातून एकमेव महिला पोलीस कराटे प्रशिक्षक अश्विनी प्रताप निकम यांना महाराष्ट्र राज्याचा हा पुरस्कार मिळाल्याबद्दल त्यांचे प्रशासनामध्ये कौतुक केले गेले तसेच पोलीस अधीक्षक प्रवीण मुंडे, व पोलीस उपअधीक्षक .चंद्रकांत गवळी, पोलीस निरीक्षक जिल्हा विशेष शाखा राजेशसिंह चंदेल व पोलीस निरीक्षक सुनंदा पाटील यांनी अश्विनी प्रताप निकम यांच्या पुढील वाटचालीसाठी व विद्यार्थ्यांच्या सर्वांगीण विकासासाठी जोमाने प्रयत्न करावे व प्रशासनाचे नावलौकिक करावे अशा शुभेच्छापर शब्दांचा वर्षाव केला.
प्रशासनाची शोभा वाढविणारा मानाचा पुरस्कार – अश्विनी निकम
कराटे प्रशिक्षक अश्विनी प्रताप निकम या जिल्हा विशेष शाखा अंतर्गत पोलीस कराटे प्रशिक्षण केंद्र मानव संसाधन विभाग याठिकाणी पोलीस पाल्य व बाहेरील विद्यार्थ्यांना कराटे स्वसंरक्षण तसेच स्केटिंगचे प्रशिक्षण देत आहेत. एका वर्षाच्या कामात त्यांनी प्रशासनाला दिलेला हा फार मोठा व प्रशासनाची शोभा वाढविणारा मानाचा पुरस्कार त्यांना मिळाला हेच माझे कर्त्यव्य निष्ठेचे प्रमाण असल्याचे कराटे प्रशिक्षक अश्विनी निकम यांनी सांगितले.
